في أول تعليق لها على الضجة التي أثارها مشهد سجودها في حفل زفافها، كشفت ريم طارق زوجة المطرب حسن شاكوش عن أن سجودها في الفرح لم يكن تصرفا وليد اللحظة، رافضة اتهامها بالبحث عن التريند
وقالت ريم طارق في تصريحات لبرنامج ET بالعربي: “دي حاجة بعيدة عن السوشيال ميديا، ومفيش حد يقدر يضحك على ربنا”، وهو ما علق عليه حسن شاكوش بقوله: “مش بتسيب فرض”.
وأضافت زوجة شاكوش: “أنا كنت واخدة عهد على نفسي لما أدخل بالإطلالة الأولى لازم أسجد وأشكر ربنا لإنه عوضني بحسن، هو أحسن واحد في الدنيا في عيوني”.
أوضحت ريم طارق أن معرفتها بحسن شاكوش تعود لسنوات ماضية بقولها: “إحنا جيران من وإحنا أطفال، وبعدها مشينا من المنطقة ومن 10 سنين ماشوفتوش، وسأل عليا وقال عايز يتجوزني”.
وتابعت: “حسن عندي حاجة كبيرة أوي، لعيب كورة وأشيك واحد في المنطقة، وعسول وكاريزما، وأنا واثقة فيه ثقة عمياء
وأضاف شاكوش: “أنا طلبت إيدها من 3 سنين لكن كانت مخطوبة، وربنا كرم وكانت من نصيبي”.
حفل زفاف حسن شاكوش
وكان لقطة سجود زوجة حسن شاكوش في حفل الزفاف أثارت الجدل على مواقع التواصل، وعلقت عليها الإعلامية رضوى الشربيني، خلال تقديم برنامجها “هي وبس”، بقولها: “حركة أوفر جدا، وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه”.
