يقدم موقع مصر الاخباري ابرز تعليقات المواطنين علي السوشيال ميديا بعد استشهد المقدم كريم ياسين، من قوة قطاع الأمن المركزي بأسيوط، متأثرًا بإصابته خلال حملة أمنية مكبرة استهدفت خارجين عن القانون بقرية العونة بمركز ساحل سليم في أسيوط.
وأثناء وصول القوات إلى موقع العناصر الإجرامية، تعرضت لإطلاق نار كثيف، مما أدى إلى إصابة المقدم كريم ياسين، الذي استشهد لاحقًا متأثرًا بجراحه، كما أسفرت المواجهات عن مصرع 6 من الخارجين عن القانون.
وعبر العديد من مستخدمي منصات التواصل الاجتماعي عن حزنهم الشديد، واستنكارهم للحادث، حيث أشاروا بشجاعة وتضحية المقدم كريم ياسين في سبيل حماية الوطن، كما نشر آخرون رسائل تعزية وتضامن مع أسرته.
كتب أحد مستخدم موقع فيس بوك “طيب أقول أى ولا أعمل أى، اللهم لا اعتراض، ربنا انعم عليك بالحج واستشهدت في يوم جمعة، ربنا بيحبك يا كريم، اطيب خلق الله وابن ناس، طيب ده لسه كنت معاك من اسبوع، وبتقولي تعالي عدى عليا انت واحشني وعايز اقعد معاك طيب اعمل اى، لا نقول الا ما يرضا ربنا انا لله وانا اليه راجعون، استشهاد المقدم / كريم ياسين امن مركزى اسيوط أثناء حملة أمنية اللهم تقبله عندك من الشهداء.
وأكمل “فاكر لما استقبلتني وانا ملازم، طيب عنبر9، طيب اقول اى ولا اى، قلبك كان حاسس وزى ما بتكون بتودع اللي حواليك، ربنا يرحمك يارب ويغفرلك ويصبر أهلك، والله يعجز اللسان عن وصف ما في داخلي”.
وكتب آخر “مش مصدق اقسم بالله بقي اكتر واحد كان بيقف جمبي وانا في الجيش اعرف انو مات، متعزش علي اللي خلقك يا كريم بيه، انت لسه كنت ف الحج وانهردا استشهد، عمري ما هنسي هزارك معانا يا قائد ولا عمري ما هنسي يوم ما كنا في الكتيبه وفيه مرور والدنيا مقلوبه وانت أول ما عرفت ان امي بتعمل عمليه نزلتي إجازه وكنت عمال تتصل عليا تتطمن واول ما رجعت نزلتي تاني”.
وأكمل “والله ما هنسي كلامك ليا يا قائد حتي هزارك معايا لما كنت تقولي هات الدفتر بتاع الكانتين وتعالى حاسبني وتقلي اوعه تكوني بتسرقني يا بحه، انا واثق فيك اقلك عيب عليك يا قائد، وانت تقولي وانا واثق فيك، الله يرحمك يا كريم بيه والله ما هنساك طول حياتي، استشهاد المقدم كريم ياسين أثناء حمله أمنية بأسيوط، متتعزش علي اللي خلقك يا كريم بيه من ارجل وانضف الناس اللي أتعاملت معاهم في حياتي”.
وغرد آخر قائلًا “بسم الله الرحمن الرحيم (وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ)، إستشهاد المقدم كريم ياسين من قوة قطاع الامن المركزى بأسيوط، أثناء إستهداف عناصر شديدة الخطورة بمركز ساحل سليم، اللهم اغفرله وارحمه واجعل قبره روضه من رياض الجنة، نحتسبك عند الله من الشهداء، نسألكم الدعاء وقرأة الفاتحة، رحمة الله عليك ياكريم”.
