نشر المتحدث الرسمي باسم رئاسه الجمهوريه مجموعه من الصوره لتفقد الرئيس عبد الفتاح السيسي وحدات القطارات الجديدة في محطة اسوان للسكك الحديدية
واستمع الرئيس من شرح تفصيلي من الفريق كامل الوزير وزير النقل لامكانيات القطارات الجديده وعمليه تطوير محطة اسوان التي تمت في الايام الماضيه
شاهد :
وكان الرئيس عبد الفتاح السيسي قد اكد أن الدولة المصرية لم تقترب من سعر تذكرة القطارات إلا بعد التطوير الكامل، متابعا: “قولت يا كامل متقربش من سعر التذكرة إلا لما تحدث العربيات.. وكل قطارات مصر مفيش عربية ولا جرار جديد.. ومفيش على السكة كلها.. القاهرة والإسكندرية واسوان وبورسعيد.. مفيش قطار واحد قديم.. مفيش على أي خط في مصر عربية قديمة”.
وأضاف الرئيس السيسي، خلال كلمته في افتتاح مشروعات جديدة بالصعيد: “التسعير.. طب ما كامل الوزير يشيلها أو رئيس الوزراء يشيلها.. انا عاوز يوم القيامة ربنا يشيلنى كل حاجة عملتها.. علشان كده بقول دلوقتى.. بنحط أسس لدولة جديدة كما نتمنى ونأمل.. طب ليه مش جبنا كام حادثة في السكة الحديد وتعليقات الناس ايه.. ونخلى وزير النقل لا مؤاخذة والحكومة.. وشوفوا عاملين ايه.. المسئولية مشتركة.. احنا عاوزين نجرى مع بعض.. غير كده مش هينفع.. قطاع النقل وصل إلى 1.7 تريليون جنيه.. يعنى 1700 مليار جنيه.. بقول الكلام ده للمصريين علشان محدش وهو بيكلمكوا يقولكم السكة الحديد تعبانة ليه؟.. أصل الحكومة مكنتش كويسة.. لا.
وقال الرئيس السيسي: كامل يقولى التذكرة بجنيه يقولى أزودها؟ أقوله متزودهاش، ليه يا كامل؟ مبيقولش ليه؟.. خايف.. حتى لو كانت البلد تخرب علشان الكرسى يقعد هو ويخرب فيها ويخليها بلد كُهن.. سكة حديد تعبانة وطرق تعبانة وموانئ تعبانة كله تعبان.. مش فكرة إرادة.. الناس كانت عارفة كويس العلاج كان عاوز فلوس وتقدر ترجعها.
