طرحت رئيس مجلس إدارة قناة “القاهرة والناس” الإعلامي طارق نور، أغنية تحفيزية لمنتخب مصر قبل مباراته أمام الكاميرون اليوم، في نصف نهائي بطولة كأس الأمم الإفريقية.
الأغنية تحمل اسم “هنعدي الكاميرون” وتقول كلماتها:
رسالة إلى كيروش حط الخطة الصح يا بيه متغيرش تغير ليه
عاوزين بس نعدي الكاميرون ونجيب أيتو نحط عليه
خليط ثات بالتشكيل عندك فرقة تهد الحيل
بس ياريت يفضلو في مكانهم وبلاش بقى شغل البراجيل
مش هتكلم عالحراس كله معدي وأحسن ناس
نبدأ بهدوء كدة خطتنا بص يا سيدي وعم الناس
عبد المنعم طبعا بك فتوح جمبه اكيد ده معاك قفل حلو بعمر كمال وتحط الونش معاه مساك
ندخل بقى على خط النص فتحي سولية ونني البوص
ممكن حبة تبدل زيزو وتنزله هيشوط ويقص
جرب تبدأ بتريزيجيه وصلاح مش هتكلم فيه إبدأ بشريف المرادي ريح درش هتخسر ايه!
هنعدي الكاميرون والسنغال هنعدي أسود ونعدي أفيال
احنا فراعنة يا عم الحاج أنا بس حقيقي أنا عندي سؤال
بص يا أيتو بقولك ايه جبت جساما يحكم ليه هتخلينا نجيبكو في ثانية جوة تويوتا ازازها فيميه
ننزل بيكم على عابدين ونقول شوفو جايبنلكو مين!
كل الناس هترحب بيكم نستقبلكم بالملايين
احنا ملوك أفريقيا سنين احنا حضرنا ومش ماشيين خدنا العهد وقولنا بأذنه راجعين من الكاميرون فايزين
وينتظر عشاق الساحرة المستديرة مباراة منتخب مصر ضد الكاميرون في التاسعة مساءء اليوم وتُعرض المباراة عبر قنوات BeIN Sports المشفرة، ويعلق عليها علي محمد علي.
وصعدت السنغال لنهائي بطولة كأس الأمم الأفريقية، في انتظار الفائز من مباراة مصر والكاميرون المقرر إقامتها اليوم الخميس في تمام الساعة التاسعة مساءً.
