نشر الفنان تامر حسنى عبر حسابه الشخصي، على موقع التواصل الاجتماعي فيسبوك، مجموعة من الصور الخاصة بفيلمه الجديد الذي يحمل اسم “بحبك”، الذي يجري تصويره في الفترة الراهنة.
تامر حسني وهنا الزاهد
وقال تامر حسني عبر حسابه بفيسبوك: “مساء الهنا على أغلى ناس على قلبي أنا.. دي صور من أول يومين تصوير لفيلمنا الجديد (بحبك) طبعا في ناس هتقرا اسم الفيلم بحبِك، وناس هتقراه بحبَك، دا طبعا مقصود عشان في دراما الفيلم هنبحث طول الوقت عن مدى صدق كلمة بحبِك، من الرجل للأنثى، وبحبَك من الأنثى للرجل، في أحداث فعلاً محيرة جدا، الفيلم أكيد فيه ضحك بس في إطار رومانسي بحت، مش موجود بقاله كتير”.
وأضاف: “اتشرفت بمشاركة نجمة اليوم والمستقبل، الجميلة هنا الزاهد، ومبسوط إني أول من اكتشفها في بداية حياتها، وفي الفيلم دا باكتشفها تاني، وبقدمها بشكل جديد عليها وعليكم، ومبسوط جدا لمشاركة حبيب قلبي نجم الكوميديا الكبير حمدي المرغني، اللي هيعمل إن شاء الله، شغل رهيب في الفيلم كعادته الجميلة، وللأسف لسه مصوّرش علشان أنزل صوره بس في أول يوم تصوير له ههريه صور”.
وتابع تامر حسني: “انتظروا بعد أيام انضمام نجمة جميلة مميزة من نجوم المستقبل، اللي هيكون ليها مستقبل كبير إن شاء الله، وفرحان جدا بانضمام الفنان الموهوب أوي مدحت إسماعيل، إللي عامل دور زي العسل، وربنا يكتبله فيه كل النجاح، ويكرمه ويكرمنا معاه”.
وأتم بالقول: “الفيلم من إنتاج حبايب قلبي وأصدقاء العمر، سينرچي أحمد بدوي، تي إيتش برودكشن، حسام حسني، سكاي ليميت، أحمد الدسوقي”.
