تعرضت الفنانة هدى هاني لوعكة صحية كادت أن تودي بحياتها، ونشرت فيديو لها على حسابها بموقع Facebook أثناء خضوعها للفحوصات الطبية
كتبت هدى هاني معلقًا على الفيديو وكشفت عن تفاصيل الحادث الذي تعرضت له وقالت “أنا من الناس اللي عمري ولا نزلت صورة ليا وانا مريضة أو فيا حاجة مكسورة أو مركبة كانيولا أو اقول ادعولي أو أي حاجة من دي (لاني مش بفضل أعمل كدة)
وتابعت “بس التجربة المرة دي غريبة ومختلفة وحبيت اشاركها معاكم علشان تاخدوا بالكم كويس، وربنا اراد ابقى فيها والحمدالله على كل حاجة ربنا بيعملها”
كما كشفت عن الفحوصات الطبية التي أجرتها وقالت “دة كان اشعة على المخ والصدر وطبعا تحاليل دم وتركيب اكسجين وغيره وغيره وناس دخلت الرعاية المركزة علشان تسمم دم ونقص الاكسجين في الدم”
وكشفت عن الحادث الذي تعرضت له وقالت “اللي حصل أن أنا و4 بنات معايا كمان استنشقنا غاز أول اوكسيد الكربون مع غاز الكلوريد الناتج من حمام السباحة وسخانات احتراق الوقود اللي طلعت لنا الشيء اللي استنشقناه من غير ما نحس”
وأضافت “لانه ولا لون ولا طعم ولا رائحة خالص ودة الغاز اللي بيسموه الموت اللذيذ لأنك مش بتحس بأي حاجة غير أنك بيغم عليك وانت ونصيبك في الوقت اللي قعدته مع الغاز دة”
واسترسلت “لأن الاكسجين بيحصل أنه مش بيوصل للمخ ودي معروف بعدها بيحصل ايه مش عارفة ايه حل الموضوع دة غير انكم تأمنوا نفسكم كويس وتاخدوا بالكم من سخانات الغاز اللي في البيوت وفي الأول والآخر ربنا يسترها معانا قدر الله وما شاء فعل اتكتب لنا عمر جديد والحمدلله رب العالمين”
يذكر أن هدى هاني شاركت في مسلسل “الخواجة عبد القادر” مع الفنان يحيى الفخراني وسلافة معمار ونخبة من النجوم، كما شاركت عام 2010 في بطولة مسلسل “العار” مع أحمد رزق، مصطفى شعبان، شريف سلامة وغيرهم نخبة من النجوم
