علقت الإعلامية بسمة وهبة، علي واقعة مقتل طالبة جامعة المنصورة ذبحا، امام اسوار الجامعه
وقالت في مقدمة حلقة اليوم من برنامج «90 دقيقة»، على قناة المحور : «بأي ذنب قتلت، مش قادرة أصدق إن دي حادثة أو كارثة حقيقية، لأني حتى لو شفت مشهد بشع زي ده هقول إن ده خيال واسع من مؤلف، بس للأسف الواقع بقى أغرب من التمثيل ودموي أكثر من الدراما».
وأضافت وهبة، : «والله قلبي مقبوض، ده مش مجتمعنا، ولا دول مش ناسنا، غطيت جرائم كثيرة، لكن هذه الجريمة مختلفة، ولذلك نسأل لماذا قُتلت نيرة، لماذا قُتلت فتاة شارفت على إنهاء دراستها؟!».
وتابعت: «مش قادرة أصدق إنه زميلها في الجامعة ومن نفس بلدها، وزمان كان في حاجة اسمها بنت منطقتي، مكنش في زمان حد بيقرب من اهل منطقته، دلوقتي الدنيا اتقلبت، ده مجتمعنا ولا الجريمة دي ظاهرة لكن الموضوع خطير والموضوع كله يوجع القلب».
