قالت المطربة جواهر إنها ظهرت في الساحة الفنية قبل وجود السوشيال ميديا، وواجهت صعوبات تعتبر بمقاييس الوقت الحالي حربا فنية.
وأضافت خلال استضافتها في برنامج “كلام الناس”، الذي تقدمه الإعلامية ياسمين عز عبر قناة MBC مصر: “أول ما طلعت أغنية حبيبي يا أسمريكا الصحافة قالت هل جواهر ظاهرة أم حقيقة، وبعدها قالوا مطربة الميكروباصات، ولما طرحت ألبوم حمادة وألبوم ع الكورنيش قالوا نجمة والموضوع اختلف”.
وتابعت: “لما عملنا ألبوم ع الكورنيش الشركة قررت تكون البوسترات على الميكروباصات كنوع من الذكاء الدعائي”.
وأكملت: “أنا اليومين دول رجعت بقوة، وشغالة كل يوم تقريبا في حفلات نهارية، وتصلني تعليقات عارفة إنها من بعض الفنانين والفنانات بيقولوا هي رجعت تاني، طيب ربنا أراد إني أرجع تاني، وناس تقول كل يوم ع الكورنيش وحمادة وبتغني في نفس المكان، طيب هاتولي مكان تاني وأنا أروح”.
