علقت الفنانة فريدة سيف النصر على وفاة الفنان هشام سليم، الذي رحل عن الدنيا اليوم متأثرا بإصابته بمرض السرطان، عن عمر ناهز 64 عاما.
وقالت فريدة سيف النصر، خلال منشور عبر حسابها الشخصي على فيسبوك: «امبارح إحنا كنا في إيه؟ وزميلنا هشام في إيه؟.. عارفين احنا مابنتعظش وماحدش عارف ولا فاهم حاجة، لو يعرفوا كانوا كرموه إمبارح».
وأضافت: «بصراحة كله بيضحك على كله واللي مطلعة لسانها للكل هي الحياة، هاتغلبكم هاتغلبكم، لما تعملوا إيه ولو شيلتوا أموال قارون، كله سايب كله حتي الخالة اليزابيث».
وتابعت: «أقولكم حاجة.. طظ كبيرة للي مش فاهم وفاكر نفسه برطمان مخلل، حتي ده بيتاكل، الرعب بقي قد الحزن، بسؤال صعب الدور على مين سترك يا صاحب الستر».
