فاجأ “تاكي”، عضو فرقة “إم تي إم”، التي اشتهرت بأغنية “أمي مسافرة”، جمهوره، عن دخوله في حالة اكطتئاب وتبدل حاله وابتعاده عن الغناء.
ونشر “تاكي” صورة له وعلق عليها بقوله: “تاكي اللي في الصورة دي كان شاب صغير ماعندوش هموم ولا ضغوطات.. كان بيغني أمي مسافرة و تليفوني بيرن و بيخرج يسهر كل يوم ولسه قدامه المستقبل منور”.
وتابع: “أنا دلوقتي واحد ثاني خالص و لما بقابل ناس و يعرفوني بيفتكرو البهجة اللي كانت في الأغاني القديمه و قد إيه كانت ذكرياتهم جميله مع إم تي إم و دايماً يقولولي ما تكتب فكرة جامدة زي أمي مسافرة أو ما تعملوا مهرجان بيرقص و يكسر الدنيا”.
وأضاف: “طبعاً أنا بحترم كل الآراء و بقدر النصايح و عارف انها جيه من حب لينا..بس للأسف أنا مابقتش الشخص السعيد اللي كتب أمي مسافرة و اركن على جنب و اغسل مواعين ولا الشخص اللي كاتب مدرسة الحياة و كل ليلة بسهر”.
واستكمل: “أنا بقيت واحد ثالث ..بقيت تاكي كئيب و مسحول في أكل عيشه و معندوش وقت للهلس ولا الدلع….بقيت واحد من كتر ما شاف حوارات مايعلم بيها إلا ربنا مابقاش ليه نفس يهزر ولا يتكلم ..ماتزعلوش مني بس هي دي الحقيقة وسؤالي ليكم….أحاول أعمل أغاني عكس اللي أنا حاسه عشان تعجب الناس و تشتغل في النايت و الحفلات. ولا اكتب اللي أنا مصدقه وعايشه و طالع مني بمصداقية”.
