قال الفنان محمد كريم إن رفضه لتجسيد دور الإرهابي في هوليوود تسبب في تأخير تحقيق حلمه كممثل في هوليوود لمدة عشرة أعوام.
وكشف كريم، خلال لقاء متلفز، عن النصيحة التي سمعها من الراحل عمر الشريف، وقال: “عمر الشريف من أول الناس اللي خدت رأيهم زمان. قلتله جايلي دور إرهابي في فيلم إيه رأيك. في الأول كلمته إنجليش وهو أعجب بالحته دي عشان الأكسينت كانت كويسة. مكانش يعرفني، وقاللي إنت عندك فرصة كويسة، وعايز أقول لك حاجة وإنت براحتك، لو مش حتعمل الدور غيرك حيعمله، وأنا معملتوش”.
وتابع: “رفضي أخر حلمي اللي عايز أوصل له 10 سنين. طبعا أسهل حاجة بالنسبة لك لو ربنا وفقك تبدأ تشتغل هناك تعمل دور العربي. أنا كنت معترض على الحته دي، ومن وأنا صغير في أمريكا كنت متضايق لما كنت بشوف أي حد مصري أو لبناني إما يطلع إرهابي أو يفجر نفسه، نفس النمط لو حد روسي لازم يطلع مافيا”.
كما أشار كريم إلى أن أكبر مخاطرة قام بها كانت قرار السفر إلى هوليوود بعد مشاركته في فيلم “دكان شحاتة”، وتقديمه الموسمين الأول والثاني من برنامج The Voice.
وأوضح محمد كريم أنه أخذ قرار التوجه إلي هوليوود بعد فترة من السفر المتقطع بين الأعمال التي قدمها، وأثناء الكلام عن تحضير موسم جديد من البرنامج أخبرهم بقرار السفر، دون أن يكون مرتبطا بتصوير محدد، فقالوا له أنت مجنون، مضيفا: “أنا بدأت الحمد لله كويس، وشغال كويس، لكن مقدرش أقول وصلت للي أنا عايزه”.
نذكر أن محمد كريم سبق وأن شارك في فيلم A Score To Settle مع نيكولاس كيدج، وحقق الفيلم نجاحا في دور العرض السينمائي وحاليا عبر المنصات الرقمية العالمية، وتدور أحداث الفيلم حول عضو سابق في إحدى المنظمات الإجرامية، يتعهد بعقاب زعماء عصابته، وذلك بعد قضائه 19 عامًا من السجن ظلمًا، لكن الشيء الوحيد الذي يحول دون تنفيذ خططه العنيفة، هو تطور علاقته بابنه.
كما تم الكشف عن مشاركة النجم محمد كريم في بطولة فيلم A Day to Die مع نجم الأكشن بروس ويليس، والفيلم من إخراج المخرج الأمريكي ويز ميلر.
