رد شقيق ياسمين عبد العزيز، الفنان وائل عبد العزيز على ادعاءات ابنة رجل الأعمال محمد حلاوة، والتي تدعى ليلى حلاوة والتي اتهمت فيها ياسمين عبد العزيز بخطف والدها منهم.
وكشف شقيق ياسمين عبد العزيز عن عدة صور من عيد ميلاد “سيف” ابن ياسمين وحلاوة، وكتب عليها على فيسبوك: “حق الرد علي موضوع الاستاذه المحترمه بنت الناس المحترمين .. يا استاذه ليلي ده عيد ميلاد سيف ابن اختي وكان بعد طلاق ياسمين بمده طويله بحضور صحاب كتيره وشهود علي وجودك انا بقي مش عارف هو حضرتك كنتي فرحانه في الصور معانا عشان فرحتنا وبتحبينا زاي ما كنتي طول عمرك بتقولي والا لرجوع والدك الي احنا خاطفينه منك الصراحه”.
وتابع: “لو ياسمين بتحاربك طوال ال ١٧ سنه جايا ليه بعد الطلاق تسانديها انتي جوز حضرتك.. ياريت نراعي العشره والسنين ونراعي ان الطرفين متجوزين حاليا ونقفل علي كده لان انا الي هرد مش هيا خالص .. هو انا مش فاهم الحقيقه ليه كل الهجوم ده عليها وهيا لحد الان مغلطتش في اي شخص باي شيء .. شيء غريب فعلا عموما عفا الله عما سلف”.
وكانت ابنة حلاوة قد قالت في منشور على انستجرام: “إوعي تدّعي حاجة مش فيكي أنت عمرك ما كنتي كويسة مع حد.. إنتي اللي خطفتي بابانا مننا من 17 سنة، وكانت أمي على ذمته وحاولتي طول الـ17 سنة تقطعي علاقتنا ببابانا وحاربتينا وأذتينا كتير.. الناس العادية مش عارفة حاجة بس الناس اللي حوالينا عارفين كل حاجة.. ياريت تبطلي أذى بدل ما نعرف الكل”.
وأضافت: “انتي اللي قاطعانا عن إخواتنا من يوم ما اتولدوا وكفاية اللي عملتيه في شرم الشيخ من شهر معايا قدام الناس كلها.. عيييييييييييب وكفاية وبطلي تظهري بصورة مش حقيقتك”.
وعرفت الأيام الأخيرة حرب تصريحات بين بوسي شلبي والفنان ريهام حجاج من جهة، وياسمين عبد العزيز من جهة أخرى، خاصة بعد حلول حجاج ضيفة في برنامج شلبي لتتحدث عن زواجها من محمد حلاوة، الزوج السابق لياسمين عبد العزيز.
وعلى الصعيد الفني، خاضت ياسمين عبد العزيز سباق رمضان الماضي بمسلسل “اللي مالوش كبير” من تأليف عمرو محمود ياسين، إخراج مصطفى فكري، بطولة أحمد العوضي، خالد الصاوي، دنيا عبد العزيز، دينا فؤاد، محمود حافظ ومحمود ياسين.
