ردت المطربة شيرين عبد الوهاب على ما انتشر خلال الساعات الماضية بشأن الخلافات بينها وبين زوجها المطرب حسام حبيب بعد انتشار التسجيل الصوتي المنسوب لوالده حسين حبيب والذي يؤكد فيه أن ابنه يرغب في الزواج من فتاة أخرى من أجل الإنجاب، إلى جانب إعلانه بأن حسام ينوي الاستيلاء على أموال شيرين.
ردي لجمهوري الحبيب و وسائل الاعلام المحترمة. (الجزء الاول) pic.twitter.com/DcfmFWB7H8
— Sherine Abdel-Wahab (@sherine) June 28, 2021
وقالت شيرين في مقطع صوتي نشرته عبر حسابها بموقع تويتر: “أنا بخير ومفيش أي نوع من الخطر علي ولا على حياتي.. اللي حصل مش هينفع أرد عليه في كلمتين”.
وتابعت شيرين: “حسام جوزي من أنضف رجال الدنيا وإنسان محترم ومتربي وبيحبني أكتر من نفسه وميستاهلش منكم كم القسوة دا بس أنا مدياكو العذر عشان انتو متعرفوش بس الراجل اللي ربنا حطه في طريقي في الوقت اللي أنا كنت فيه متكسرة ومتدمرة هو بنى لي شخصيتي وخلاني بعرف أتكلم ورجعلي لنفسي تاني الثقة”.
وأضافت شيرين: “حسام ربنا هو اللي بعتهولي وربنا مبيعمليش حاجة وحشة.. أنا وبناتي بدليل انه من ساعة ما تزوجني ما استفادش بأي حاجة ومعملش لنفسه أي حاجة.. وهو بس عايش عشان يخاف علي وعلى عيالي من كل شيء”.
واختتمت شيرين حديثها بقولها: “عايزة أقول ان الست حماتي اللي ربت راجل أخلاقه كدا هي أكيد ست عظيمة وحسام إنسان عظيم وامه ست عظيمة واتمنى منكم تدعو لما بالذرية الصالحة.. وبقول لكم مفيش أي حاجة من دي خالص.. حسام انسان نقي وربنا هو اللي بعتهولي”.
