قالت الفنانة داليا البحيري التي تشارك الفنان هاني رمزي بطولة مسرحية “أبو العربي”، إن العمل في المسرح يتطلب التزام، مضيفة “لكني مررت بتجربة مذيعة وهي نفس الشيء والناس بتبقى إجازة وإحنا شغالين.. بالعكس لما بحس بقى في المسرح أني بفرح الناس في العيد بيبقى ليه طعم تاني”.
وأجابت داليا البحيري على سؤال الإعلامية لميس الحديدي الذي وجهته لها قائلة: “هل تعتقدي أنك فنانة كوميدية؟”, قائلة : اي فنان ممكن يعمل ” كوميديا الموقف ” كون هذه النوعية من الكوميديا هي القادرة على إضحاك المشاهدين .. لو حطينا اي ممثل “تراجديان ” في ” كوميديا الموقف ” لازم يضحك والمثال على ذلك العظيم نجيب الريحاني وغيره من العظام شريطة أن يكون الموقف مكتوب بشكل جيد وبإيقاع متميز لازم يضحك”.
وتابعت في لقاء خلال برنامج “كلمة أخيرة”، الذي تقدمه الاعلامية لميس الحديدي على شاشة “ON”: مقارنة بذلك “الفارسير” مش أي حد يقدر يقول نكتة أو “إفيه” أو يستظرف”.
وأكملت: “أنا مش هعرف أستظرف أو أققول “إفيه” ممكن أفرش للفنان عشان يقول إفيه أو العكس وأنا مش ” فارسيرة” مش هعرف “أهرأ ” لكن فيه ناس لو قالت أي حاجة هتضحك الجمهور بطريقته ودي ليها ناسها ربنا مديهم موهبة في دي و أنا مش كده”.
وذكرت أن ارتباطها بإبنتها “قسمت” موجود لكنها الأن أصبحت في عمر 12 سنة ومتواجدة طول الوقت مع والدتها وسعيدة بتواجدها معها”.
وحول وجود صورة للفنان الراحل سمير غانم في كل غرفة في ردهات المسرح الذي يحتضن العمل المسرحي قالت البحيري: “الراجل ده عظيم ألف رحمة ونور عليه كان عنده تصالح غريب مع نفسه مابيعملش مشاكل خالص .. الصبح كنت أخبط عليه واققله صباح الخير الاقيه قاعد ببساطة وكان بيحط راديو بإريال وبيسمع محطات غنائية معينة وأحياناً ألاقيه بيسمع مهرجانات أو شعبان عبد الرحيم أو أغاني فرنساوي بيسمع كل حاجة قديم وجديد وإنجلش وفرنساوي”.
وأكملت: “وكان بيحبني وبيدلعني وهفضل ممتنة ليه أنه قبل وجوده في مسلسل ” يوميات زوجة مفروسة”.
وحول تجربتها مع الزعيم عادل إمام في فيلم “السفارة في العمارة” ومسلسل “فلاتينو”، قالت: “أي فيلم لعادل إمام لو إتعاد هيتشاف مليون مرة والزعيم ده حدوته لوحده وأنا كان لي الشرف لوقوفي أمامه مرتين في فيلم وعمل درامي وكنت هقف قدامه في حاجة تالتة بس ماحصلش نصيب وزعلت وقتها أوي وأنا بحبه وهو بيبحني جداً ولما تعرف على زوجي حبه أكتر مني بحبه على المستوى الشخصي والعائلي”.
وواصلت: “عادل إمام لديه هيبة مش موجوده عند حد فأنا كنت أول مرة أققابله فيها عند عمرو عرفة في المكتب كنت بستخبى عشان مايشوفنيش عشان ” هيبته ” الي بيبص في عينه بيحس انو بيبص في عين اسد” .
وكشفت أنها عند تلقيها مكالمة من عمرو عرفة يخبرها أن الزعيم طلب الاستعانة بها في فيلم عمارة يعقوبيان شعرت بفرحة غامرة حتى وصل ” الاسكريبت لها ” في الثانية صباحاً لكنها اصيبت بإكتئاب اثناء قراءة ” الاسكربت ” قائلة : ” فضلت أدور على دوري وقرات ” الاسكريبت كله ” ومش لاقية الدور وصلت للمشهد 61 وأنا ماظهرتش ووصلت للنص ومش لاقية دوري .. ولما وصلت للمشهد ايل لقيته هيشلني على كتفه في المظاهرة إنبسطت وقلت الحمد لله كفاية عليا الدور ده كده دخلت التاريخ”.
