قالت الممثلة منة فضالي إن الفنانة ياسمين صبري ممثلة ضعيفة وتشترى الشهرة بأموال زوجها.
وأضافت منة خلال لقائها مع الإعلامي نزار الفارس في برنامج “مع الفارس” على قناة “الرشيد” العراقية: “مي عمر وياسمين آه ظهروا قبلي، بس ياسمين ليها ظروف خاصة ممكن جوزها بينتجلها ومي عمر بتشتغل بقالها فترة بتشتغل من مسلسل الأسطورة ومع عادل إمام بعيدًا عن محمد سامي”.
وتابعت: “أنا بالنسبالي بشوف ياسمين ست جميلة، لكن ممثلة ضعيفة، هي حلوة، محتاجة تشتغل على نفسها، الحلاوة مش كل حاجة، أنا شوفتها في مسلسل ضعيفة، لكن أنا أحبها شكلًا، هي شكلها حلو وزي القمر، لكن تمثيل ضعيفة”.
وأكملت منة حديثها عن ياسمين صبري، بقولها: “دلوقتي الناس بتشتري الشهرة، إنت دلوقتي تقدر تشتري المتابعين واللايكات”.
نذكر أن منة فضالي خاضت سباق دراما رمضان المنصرم بمسلسل “نسل الأغراب” مع أحمد السقا وأمير كرارة ومي عمر، والمسلسل من تأليف وإخراج محمد سامي.
