كشف الممثل الشاب أحمد خالد صالح عن موقف إنساني لوالده الفنان الراحل خالد صالح مع سائق “عربة كارو”.
وسرد أحمد خالد صالح الموقف في منشور عبر فيسبوك: “أول مرة كان بيعلمني فيها السواقة كنت سايق الـ128 البيضا وماشي بيها وكان فيه حد قدامي سايق عربية كارو فأنا كل شوية بحاول أطلع من يمينه أو شماله”.
وتابع: “فهو راح قالي أهدى واستنى لما هو يمشي فأنا استغربته ليه ما إحنا مستعجلين وعاوزين نمشي فلما تطلع تجري من جمبه هو هيحس بإيه؟ أنت دلوقتي هتجري وتجيب ترابك عليه هو هيفكر في أيه؟ في إن أنت ربنا مديك وهو يا حبيبي راكب كارو.. فهو الله يرحمه كان بيفكر في الآخرين أكتر من نفسه”.
وتوفي صالح فجر الخميس 25 سبتمبر 2014 عن عمر يناهز 50 عاماً بعد تدهور حالته الصحية أثر إجرائه عملية جراحية في القلب، وشيع جثمانه فجر الجمعة من مسجد عمرو بن العاص بالقاهرة.
