كشفت الممثلة مروة الأزلي تفاصيل تعرضها للتحرش أثناء تصوير أحد الأعمال الفنية.
وقالت مروة الأزلي خلال حوارها مع الإعلامية راغدة شلهوب في برنامج “نص الكلام” على قناة النهار: “أثناء التصوير حصل معايا، الفرق إن في الوقت ده أنا كنت خلاص قوية، عملت خناقة طبعا”.
وفي إجابتها على سؤال عن شخصية المتحرش بها، قالت: “حد بيركب المايك بتاع الصوت، كانت المساعدة بتاعتي بتجيبلي حاجة، لمسني وطلع يجري، واختفى من اللوكيشن والتصوير. ساعتها مسكتش زي المرة الأولانية، زعقت وبعد كده قعدت أعيط”.
كما روت الممثلة الشابة تجربة التحرش الأخرى التي تعرضت لها: “افتكرت الموضوع ده لما كنت بعمل مسلسل حرب أهلية في رمضان اللي فات. كان في من المشاهد إن زوج والدتي بيتحرش بيا، في اللحظة دي أنا افتكرت المشهد ده. وفي مشهد أنا بحكي لأخويا – النجم باسل خياط – الموضوع وعيطت جدا. أنا كنت بعيط حقيقي من إن أنا افتكرت المشهد اللي حصللي”.
