لم تفوت الممثلة سمية الخشاب حادث انتحار فتاة المول دون التعليق عليه وتقديم النصائح لمتابعيها عبر موقع تويتر.
وكتبت سمية الخشاب في تغريدة لها: “حادثه سيتي ستارز وجعتلي قلبي، حبايبي اوعوا اي مشكله او موقف او حدث فحياتكم يخليكم تفكروا في الانتحار، كل مشكله لها حل ومفيش حاجه نهايه العالم”.
وأضافت: “ياريت لما حد يقولكم انه بيفكر فالانتحار تحتضنوه ومتستهتروش بكلامه وتحاولوا تنبهوا حد من اهله أو القريبين منه عشان وقتها بيكون محتاج دعم نفسي ولازم يتلحق قبل فوات الآوان”.
وتابعت سمية الخشاب: “قسوه بعض الآباء والامهات اللي معندهمش وعي كافي تجاه ابناءهم وخصوصا بعد النتائج الدراسيه بتكون نتائجها كارثيه، بطلوا تهينوا وتأذوا ولادكم وبلاش الكلام اللي زي “انت فاشل” و “موتي نفسك” عشان عواقب الكلام ده بتتسبب في مصايب وهيبقي ذنبهم في رقبتكم”.
