عادت شيرين عبدالوهاب إلى حسام حبيب مرة أخرى وتم عقد قرانهما سويًا اليوم .
تم نشر صورة لعقد القران بينهما سوياً وشوهد شيرين في الصورة وهي تمضي على القسيمة.
قالت الفنانة شيرين عبدالوهاب، في أول ظهور لها بعد تعافيها، إنها عادت مرة أخرى لـ حسام حبيب، قائلة: هعيش في النور وأنزل أنا وحسام ناكل فول وطعمية وسط الناس وكنا ناويين نعمل ده يوم السبت.
وكشفت أنها مازلت تخضع للعلاج النفسي منذ ولادتها لابنتيها هنا ومريم.
وأضافت في مداخلة مع الإعلامي عمرو أديب في برنامج الحكاية على قناة mbc: «لسه بخضع للعلاج النفسي منذ ولادتي لإبنتي هنا ومريم مش من فترة قريبة».
وتابعت: «أنتوا تعبتوا فيا وأنا تعبت عشانكم ومش هخذلكم أبدًا».
واستطردت: «أتاخذت على خوانة واستغربت فكرة دخولي للمستشفى بالطريقة دي وبشكر محمد أخويا على أنه عرفني بالمستشفى دي».
وأوضحت: «بتنازل على أي قضية ضد أخويا محمد عشان أنا بسامح».
وأوضحت شيرين عبد الوهاب: “إحنا كنا في موال كبير وكان معمول لنا حاجة أنا وحسام وقصة كبيرة كنا فيها وكان مفروض نكتب الكتاب يوم السبت اللي فات”.
وأكملت شيرين عبد الوهاب:”عايزة أعتذر لـ حسام عن أي كلام صدر مني في حقه وأقفل فقرة حياتي الخاصة مع الناس، لأن الناس انشغلوا بيا وسط مشاكلهم”.
وتحدث الفنان حسام حبيب عن علاقته بالفنانة شيرين بعد عودتهما لزواجهما رسميًا، حيث أكد ساخرًا أنها «هتاكلني علقة دلوقتي»، مشيرًا إلى أن مشاجرتهما تمر وتمضي سويًا.
وأَضاف : «هي اللي اقنعتني وكلوني علقة عشان الموضوع ده، اتفقنا أن إحنا كل واحد يركز في حياته واتفقنا على كل واحد فينا يبسط التاني بيه، وقررنا أن حياتنا لينا إحنا بس».
وتابع: «رسالة للناس عذرتكم لاني كمان بحبها زيكم وهي مرت باوقات صعبة ومش هعرف ادافع عن نفسي وخلي الناس تدعيلنا».
وتحدثت شيرين عبدالوهاب عن حسام حبيب قائلة: «وصي عليا يا ا.عمرو هو قافل على نفسه شوية وعايزة أقول على حاجة قبل ما يجي، حسام ملوش أي علاقة بمين في حياتي بمين سابها ومين هيسبها».
ووجهت رسالة إلى جمهورها قائلة: «أنا في أمان، وسامحوني مش هقول أمور بيتي تاني، ويارب الناس تنام مبسوطين النهاردة بالخبر ويعرفوا إني في أمان».
وأردفت: «أنا غلطت لما طلعت اتكلمت بصوت عالي وكان معملونا حاجة كبيرة واتفكت الحمد لله».
