كرم الرئيس عبدالفتاح السيسي، خلال افتتاح محور التعمير بالإسكندرية الدكتور عبدالسلام محمد سالم الأستاذ بكلية الهندسة جامعة القاهرة، المشرف على تنفيذ محور المشير أبو ذكري، وقال “بشكرك وبرحب بيك الأول يا دكتور وسعيد بإشرافك على المشروع الكبير ده”.
وأضاف الرئيس السيسي خلال افتتاح محور التعمير بالإسكندرية: ” من حوالي سنة ونص حصل نقاش ان بناء الطريق في البحيرات ممكن يسبب مشكلة كبيرة جدا وحضرت بداية تدشين المرحلة، والدكتور عبدالسلام كان موجود وقلنا عاوزين إشرافك على المشروع الكبير ده، وعاوزين نطمن على العمل بأنه يطابق المعايير والمواصفات بتاع الطريق”.
وتابع الرئيس: “كلام الدكتور عبدالسلام إن المحور كان عبارة عن نصين الأول أخد 20 سنة على الهبوط، فمش هنستنى عشرين سنة تانيين على الجزء الثاني، الأمور مطمأنة وحتى لو حصل شيء من الهبوط هيبقى في الإطار الطبيعي ونتعامل معه بسهولة”.
وواصل الرئيس: “أولا بنرحب بيك ونشكرك وسعداء بالجهد اللى انت شاركت بيه واللى انت حطيت ثقل كبير قوي فيه، وهو عبارة عن السمعة والخبرة والعلم الكبير اللى عند حضرتك، بشكرك ويا رب يديك الصحة شكرا جزيلا”.
افتتاح محور التعمير بالإسكندرية
وافتتح الرئيس عبد الفتاح السيسي، رئيس الجمهورية، منذ قليل، محور المشير فؤاد أبو ذكري بالإسكندرية (محور التعمير) سابقًا، ضمن عدد من المشروعات القومية الأخرى بالمحافظة، والذي يعتبر إضافة ونقلة نوعية ضخمة من شأنه أن يفتح آفاقًا تنموية جديدة لمنطقة غرب محافظة الإسكندرية.