عقب الرئيس عبدالفتاح السيسي، على الجدل الذي أثير بشأن الصندوق الاستثماري لقناة السويس وشائعة بيع والتفريط في القناة، قائلا: “أنا والله العظيم مخبيتش عنكوا حاجة وفي كلام المفروض طبقا للمعايير السياسية ما يتمش طرحها على الهوا لكن في إطار مخاطبة الرأي العام”.وقال السيسي، خلال افتتاح مجمع الصناعات الكيماوية في أبو رواش، اليوم الإثنين: ” مش أنتم من كام يوم حصلت موجة كبيرة على الصندوق الاستثماري بتاع قناة السويس.. والله العظيم ده حلم وأنا صادق إن شاء الله، بس الناس لازم تعرف الحكاية في 2019 سألت الفريق أسامة ربيع عندك أموال ايه، قالي معنديش حاجة ولما احتاج اعمل مشروع هروح لوزير المالية”.
وأضاف: “البلاد اللي زي حالاتنا اللي ظروفها الاقتصادية متستحملش لازم يكون في أوعية على جمب، وده اللي عملته في وزارة الصحة وعندهم 70 مليار جنيه حاليًا، وعملت الصندوق دا عشان التأمين الصحي”.
وتابع: “دلوقتي عايز يدخل تطوير في القناة مش معاه، عايز يعمل حتى خدمة مجتمعية متقدمة معندهوش.. فأنا قولتله مينفعش الكلام ده، حتى وزير المالية والدكتور مصطفى قالوا لا يا فندم والنبي ارحمنا والفلوس اللي هتخصمها عشان نعمل صندوق مش هنقدر، قولتلهم اسمعوا كلامي وهتشوفوا”.
افتتاح مجمع الصناعات الكيماوية بأبورواش
يفتتح الرئيس عبدالفتاح السيسي صباح اليوم مصنعي لإنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة.وصل الرئيس عبد الفتاح السيسي إلى مجمع الصناعات الكيماوية بأبورواش، من أجل افتتاح بعض المشروعات الجديدة.
وتساهم مجمع الصناعات الكيميائية المتوسطة بأبو رواش، فى تغطية احتياجات السوق المحلى من الأكسجين الطبى اللازم للمستشفيات والمراكز الطبية ودعم العديد من المشروعات الإنتاجية كذلك الاستخدامات الصناعية بشركات المنتجات البترولية وصناعة الورق والمنسوجات وعدد من الصناعات الغذائية والدوائية، وقد تم تنفيذ تلك المشروعات بالتعاون مع العديد من الشركات المدنية.
وكان قد اجتمع الرئيس عبد الفتاح السيسي مع مصطفى مدبولي رئيس مجلس الوزراء، والمستشار عمر مروان وزير العدل، و جمال عوض رئيس مجلس إدارة الهيئة القومية للتأمين الاجتماعي، والمستشار عبد الرحمن محمد رئيس لجنة إعداد مشروع قانون الأحوال الشخصية.
