شكت الفنانة فريدة سيف النصر لجمهورها ومتابعي حسابها الشخصي على موقع التواصل الاجتماعي فيسبوك، من معاناتها بسبب ظهور علامات الكبر والتقدم في السن عليها، كاشفة عن رغبتها في اللجوء لإجراء عملية تجميل لمواجهة تلك المشكلة.
فريدة سيف النصر
وكتبت فريدة سيف النصر عبر فيسبوك: “مع الأسف شكلي هاحتاج تجميل، وأنا المعارضة دائما، بس مش حقن ولا نفخ ولا تصغير مناخير ولا الكلام دا، عندي مشكلة أصلا أنا رقبتي طويلة ومليانة، ومع تخن بدون ذكر أسماء اتنفخت أكتر، جيت بقى كل ما أخس طبعا كله بيخس، ولقيت الرقبة بنت ستين في سبعين بتعمل لي دبل تشين، يعني لغد وده بقى لما اللحمة نزلت الجلد فضي.
وأضافت فريدة سيف النصر: “طيب أنا عايزة حل بدون حقن نفخ ولا ألم، إيه العمل ما أنا لو راجل كنت ربيت دقني مهما يابختهم بيداروها بالدقن، أفيدوني، ولو في دكتور أو دكتورة شاطرين نتواصل بقى، هاوريكم الصورة اللي أزعجتني كبروها وشوفوا بقى، بجد منزعجة ولسة عايزة أخس هاتبقى إيه بقي رقبة وزة.. الله يخرب بيت الكبر بس هه”.
وتفاعل مع فريدة سيف النصر عدد من متابعيها بالعديد من التعليقات منها: “أوعي تعملي حاجة إنتي كدا قمر”، و”الكبر سنة الحياة انصحك لا تعملي حاجة إنتي جميلة الجميلات يا فريدة”، و”إنتي طول عمرك جميلة بالله عليكي خليكي زي مانتي” وغيرها من التعليقات
يشار إلى أن فريدة سيف النصر تصور حاليا مشاهدها في مسلسل العمدة، المنتظر طرحه ضمن سباق رمضان 2023 الدرامي، من ﺇﺧﺮاﺝ وتأليف محمد سامي، ويتولى بطولة المسلسل كل من: محمد رمضان، زينة، هالة صدقي، إيمان العاصي، منة فضالي، مي كساب.
