صدق الرئيس عبدالفتاح السيسي على ترقية ضابط الشرطة طارق عبد الوهاب من رتبة المقدم إلى رتبة العقيد، خلال احتفالية عيد الشرطة المصرية الـ71، داخل مقر أكاديمية الشرطة المصرية.
ووجه الرئيس عبدالفتاح السيسي، كلمة خاصة للضابط طارق عبد الوهاب، قائلًا: “الترقية مش هتعوض كتير لكن دي شكل من أشكال العرفان والتقدير مننا، وعلى كل من ضحى من رجال الشرطة او الجيش.. ربنا يحميك ويحمي اللي زيك”.
وأضاف: “بقول لكل الناس واللي مش موجودين جراء ظروف مواجهات الإرهاب في الـ10 سنوات الماضية، اللي نتج عنها سقوط شهيد او مصاب.. يهمني اقول للناس في مصر، وأرجو إن الكلمة اللي هقولها متكون مؤلمة.. مين يعوض طارق دا يا ناس ياللي بتسمعونا”.
وأكد الرئيس السيسي أن أبطال الشرطة حموا البلد من “الأشرار”، متابعًا: “مش عاوزين ننسى الثمن ولا الحالة اللي قعدنا فيها سنين.. وبقولها لو كانوا قدروا علينا كانوا دبحونا وبفضل الله وكرمه استطعنا القضاء على الموجة دي بنسبة أكبر من 100 %”.
وأتم: “في رجال زي طارق كتير منهم اللي قدمه روحه أو حتة من جسمه عشان خاطر مصر تبقى في أمان وسلام عشان الدولة تتقدم وتستقر، مش هيفوتني أقول للبطل طارق عبد الوهاب شكرا باسمي واسم كل المصريين”.
