وجهت الفنانة منى فاروق رسالة للإعلامية ياسمين عز ، وكذلك تحدثت عن السيدات في مصر وعن رأيها في برنامج كلام الناس
وقالت منى فاروق في تصريحات تلفزيونية” أنا مش بتابع ياسمين عز ومش بتفرج عليها ، بس أنا مع رضوى الشربيني عشان بتحس بينا وبتتكلم في حاجات تخصنا”.
منى فاروق توجه رسالة لـ ياسمين عز
ووجهت الفنانة منى فاروق رسالة لـ ياسمين عز حيث قالت: ” إنتي ست زينا براحة علينا شوية وخليكي في صفنا عشان كلنا بنات مينفعش نبقى في صف الرجالة بس” .
وتابعت منى فاروق : ” الست المصرية أحسن ست في العالم وعمري ما هقتنع أن الست نكدية أبدا “.
أزمات منى فاروق الأخيرة
وسبق إنه تحدثت الفنانة منى فاروق عن أزمتها الأخيرة وكشفت بعض الأمور في حياتها الشخصية كما تحدثت عن والدها الراحل وكشفت عن علاقتها به ، حيث قالت: ” لما حصلي أزمة زي أي بني أدم في الدنيا ممكن يتعرض لأزمة بس الناس كلها مسمتش عليا واللي معاه سكينة بيدبحك وأي حد بيدوس عليا لأن انا معنديش ضهر بس ربنا ضهري ، وربنا إبتلاني وناس كتير قدامي ظهرت على حقيقتها سواء من صحابي أو ناس قريبة منى أو من الشغل ومبقاش ليا صحاب دلوقتي وفي ناس ربنا كرمني بيهم بعد الأزمات اللي حصلتلي وكنت بحاول أهرب من الواقع إني مفكرش فيه عشان الحياة بتوجع والحقيقة دايما بتوجع وأبويا لو كان عايش كان هيجبلي حقي ومكنتش هحارب الدنيا لوحدي”.
علاقتها بوالدها
وتحدثت منى فاروق عن والدها موضحة أنها افتقدته بشكل كبير في حياتها وقالت: أبويا لو كان موجود كان هيجيبلي حقي من الدنيا كلها ومكنش هيخلي حد يزعلني وكان هيخليني واثقه من نفسي ومكنش هيخليني اتعرض لأزمات نفسية ومكنتش هحارب مع الدنيا لوحدي، و الناس طلعت أن أبويا مات غضبان عليا وده محصلش أبويا مات راضي عني وبيحبني ومكنش معترض على التمثيل ولا كان في مشاكل بينا وانا مسبتهوش و كانت روحي فيه وهو اتوفى قبل الأزمة بسنين والأزمة كانت في 2019 وأبويا اتوفى 2016.فى 2016.
