كشفت الفنانة شيرين رضا اسرارجديده عنن حياتها الخاصه واصابة ابنتها من الفنان عمرو دياب بمتلازمة اسبرجر وكشفت عن نصائح والدها الفنان محمود رضا لها،
وقالت خلال لقائها مع أنس بوخش في برنامج “ABtalks“، إن ابنتها نور مصابة بمتلازمة إسبرجر، فهي ذكية للغاية، لكن لديها حرجًا اجتماعيًا.
واوضحت : “يعني لن تعرف ما إن كانت تسخر أو تمزح أو تلقي نكتة، عليك أنت تكون واضحا معها، لذا في أي رسالة معها عليا أن أكون واضحة جدا”.
أضافت: “نور هي أغلى حاجة في حياتي، كفاية إنها اتكونت جوايا لحد ما بقت طفل كامل.. هي جزء مني، علاقتنا قوية جدا أنا وهي، عندها 31 سنة دلوقت”.
كما وجهت لها رسالة خلال البرنامج قائلة: “نور.. أنا بحبك للأبد وحتى الموت، وحتى بعد الموت ستشعرين بوجودي حولك في كل مكان”.
وقالت : أنا بعتبر نفسي فتاة.. مش ست كبيرة.. وشايفة نفسي بنت عندها 28 سنة.. ولما توصل 30 سنة بتكون بلغت.. وأنا لسة مبلغتش.. ومش بحاول أصغر نفسي وأتصرف كطفلة.. وأنا فتاة بحاول أكتشف تجارب كثيرة ولا زلت.
و وضافت : الدي قالي وأنا صغيرة أنتي حلوة أوي وده هيسبب لك مشاكل كتيرة، قلت له إيه ده ليه لكن.. اكتشفت إن لما بتكون صغير في السن مبتفكرش في اللي هيحصل، ولما كبرت فهمت إن الجمال بيخلي الستات هتغير والرجالة هتحاول تقرب منك.
وقالت : للجمال ثمن عليك دفعه إما أن تعتمد على جمالك وتدفع ذلك الثمن أو تنساه، وألا تعتمد عليه لذلك أحصل على حياة أفضل متخلنيش يعمل جمالي مشاكل لأن لو أخذت بالي ستسبب الكثير من المشاكل لكن إن اعتبرته شيئًا عاديًا لن تتسبب بمشاكل.
واوضحت انها تؤمن بالصداقة بين الجنسين و وقالت : كنت محظوظة إني جربت دا وعندي صديق مقرب مني وأنا 11 سنة وما زلنا أصحاب، وإحنا مشكلتنا إننا بنبص على الجنس مش إن الشخص سواء ذكر أو أنثى هو إنسان في النهاية، وصعب الناس الكبار في الوطن العربي يفهموا دا.
واضافت : أهلي كان عقلهم متفتح واتعلمت الكلام دا منهم، وأمي أجنبية ووالدي متفتح عقليا جدا، واتعلمت إن الصداقة أقيم من أي علاقة حب؛ لأن العلاقات غالبا تنتهي بالطلاق أو الانفصال، ولكن أنا غلطت لما اتجوزت وأنا صغيرة لأني كنت طفلة 21 سنة، ومكنش عندي خبرة أكون أم.
وقالت : عادي أكون مطلقة مرتين مع إني حاولت أكون زوجة كويسة وربيت بنتي وعمري ما زعقت لها، ولكن كنت أتمنى أخلف وأنا 31 سنة وعندي خبرة في الحياة.
وحول الجواز مزيف، قالت أن الزوج لازم يكون صديقك المقرب وتشاركه كل شيء وتفكر معاه، ولكن الناس مش بتعمل كدا وبيكملوا في العلاقات دي من أجل الماديات ولا أنصح بالجواز دلوقتي، والجيل الجديد مش هيتجوز لأنهم شايفين اللي بيحصل، لازم الست أو الراجل يسألوا نفسهم إيه هدف العلاقة دي؟ والمفروض أنها تدوم ومعظم الناس بتتجوز عشان أشياء مادية.
