رد الفنان كريم الحسيني على المنشور الذي نشره الفنان تامر حسني، عبر حسابه الشخصي على موقع التواصل الاجتماعي إنستجرام، ردا على الفنان أحمد آدم وحديثه مؤخرا عنه في برنامجه.
ودافع كريم الحسيني عن تامر حسني قائلا: “فعلاً عنده حق والله .. الفيديو التاني ده كلام حقيقي ما كفاية بقى يا عم أنت إيه وأنور وجدى إيه اللى بتقارنوه بتامر، هي فتة، ومعلش يعني بصراحة تامر بقى أوڤر أوي.. حبيت أثير الجدل في أول الكومنت.. لكن بصراحة بصراحة أنا من محبي الفنان المكافح تامر حسني، وده بجد وهو عارف، وهو صدق في رأيه الأول.. احنا كل كام سنة هايجلينا واحد زي تامر حسني.. ربنا يحميك ويحفظك ويبعد عنك كل حاجة وحشة، ويزيدك قبولا وموهبة وعظمة وتألق ونجاح.. بحب اجتهادك وموهبتك وإصرارك وكفاحك”.
وكان الفنان تامر حسني وجه رسالة إلى الفنان أحمد آدم، بعد اتهام رواد مواقع التواصل الاجتماعي للأخير بالسخرية منه سعيا وراء “التريند”، وذلك بعد عرض أحدث حلقات برنامج “آدم شو” على قناة الحياة.
وكتب تامر عبر إنستجرام: “أستاذ أحمد آدم فعلاً بيدي درس حقيقي بيشرح فيه سمات العصر الحالي، اللي كلمة تريند فيه جننت عقول بعض الناس، وخليتهم يبيعوا مبادئهم وصداقتهم وأمانتهم، لمجرد أن الناس تعرفهم أو تتكلم عليهم ولو ليوم واحد، ونسيوا أنه لا يصح إلا الصحيح عشان ده عدل ربنا، وأي أفاقين مع الوقت هتلاقيهم بيختفوا والمحترم الحقيقي هو اللي بيستمر”.
وأضاف: “أصل لما نهتم ونرد على كل كداب أمال اللي بيحبونا نعمل معاهم إيه؟! تابعوا قلوب الناس والمواقع اللي هتاخد كلام الأستاذ أحمد السلبي وتنشره، وعلموا عليهم عشان تعرفوا حقيقتهم، والحقيقة إنه فعلاً الكلام السلبي هو اللي بينتشر، شكرا أستاذ أحمد آدم لكلامك وإشادتك الحقيقية في حقي، هي شهادة عظيمة من فنان محترم وكبير بفنه وأخلاقه”.
