أعلن المطرب محمود المنسي، استجابة منصة «يوتيوب»؛ لطلبه بحذف أغنية الفنانة المغربية جنات التي تحمل اسم «التفاح والفراولة» لوجود تشابه بينها وبين اغنية ياولد الهلاليه .
ونشر محمود عبر صفحته الرسمية على فيسبوك، صورة يظهر خلال استجابة الموقع لطلبه بغلق الأغنية لوجود تشابه بينها وبين أغنيته «ولد الهلالية».
وكتب معلقا : اتفاجئت تانى ان أغنية الفنانة الكبيرة “جنات” – “التفاح والفراولة” فيها تشابه برده كبير بينها وبين أغنيتى “ولد الهلالية” وبناء عليه انا اتحركت مرة تانية فى اجراءات حماية حقوق الملكية الفكرية الخاصة بيا على يوتيوب.
وعشان انا عارف ان ممكن يطلع ناس تانى تقول انه فولكلور زى ما حصل قبل كده انا سايب ليكم فيديو لموسيقار الأجيال الفنان “محمد عبد الوهاب” بيشرح فيه النقطة دى بشكل واضح وأظن مفيش كلام أو رأى بعد أسطورة الفن اللى صعب جداً تتكرر تانى “محمد عبد الوهاب” ولو انى عارف ان فيه فئة من الناس برده هتزايد على عبد الوهاب بس مفيش مشكلة، انا عايزكم انتوا فى النهاية اللى تقرروا ..
مش انا اللى هقولكم تصدقوا ايه وترفضوا ايه ومش معنى ان فى طرف أكثر شهرة من طرف تانى ده سبب كافى ان يكون الحقيقة الكاملة عنده لإن مؤخراً بقيت بلاحظ ان الناس بتصدق المشهور من غير ما تبحث وتدور على المعلومة الصح وهى دى المشكلة.
وأُثيرت أزمة العام الماضي؛ بسبب تشابه في الألحان بين أغنية لمحمود المنسي وأغنية «للي» التي قدمها محمد منير من كلمات وألحان الفنان أكرم حسني، واستجاب اليوتيوب لطلب محمود المنسي وقتها وأغلق الأغنية، لكن تم الصلح بين الطرفين وعادت الأغنية مرة أخرى.
