كشف مؤدي المهرجانات حسن شاكوش، تفاصيل ر ساله تلقتها زوجته بعد زفافه وسبب هجومه علي الصحفيين وتكلفه فرحه
وقال ان زوجته تلقت رسالهخ عقب زفافها، دعته لغلق حساباتها على مواقع التواصل الاجتماعي.
وقال خلال مقابلة مع برنامج «العرافة» الذي تُقدمه الإعلامية بسمة وهبة، عبر شاشة «المحور»، وعُرضت مساء الأحد: «ريم جالها رسالة بتقولها إنتي صعبانة عليَّ علشان حسن بيحب واحدة تانية وهيتجوزها وهو مفهِّم التانية إن الفرح ده كله فيلم».
واستنكر شاكوش هذه الرواية قائلا: «معقولة أنا هصرف المصاريف دي كلها ورايح واخد واحدة من أهلها وجايب أهلي وجايب كل النجوم دي علشان أعمل بروباجندا.. أنا عاوز أعمل كده هعملها في البيت من غير ما أصرف المصاريف دي كلها وأوفرها وأنا أولى بها».
ولفت إلى أن الرسالة التي تلقتها زوجته أضحكته، متابعا: «أنا قلتلها إنتي تصدقي بعد كل اللي عملته ده والمصاريف دي كلها وجايبك من أهلك واتخطبنا في شهر وبعدها بقيتي بيتي واتجوزنا.. هل كل ده فيلم.. لو فيلم هجيب أي واحدة من الشارع أو واحدة زميلة ليَّ وأقولها البسي فستان فرح ونقول حسن شاكوش اتجوز والسوشيال ميديا تتكلم».
ولفت إلى أنه طلب منها بعد تلقي هذه الرسالة، غلق حساباتها على مواقع التواصل الاجتماعي، ووافقت على ذلك بالفعل، قائلا: «هي مش بترفض أي حاجة أطلبها منها».
قال إنه لم يقصد الهجوم على عموم الصحفيين، وذلك بعدما كان قد ظهر في مقطع فيديو يقول فيه إن الصحفي الذي ينقل أخبارا خاطئة فهو يُطعِم أبناءه مما سمّاه “مالًا حرامًا”.
وأضاف : «أنا مش شيخ لكن دي الحقيقة.. أنا مش بعمم على كل الصحفيين والراجل العاقل هيعرف أنا بتكلم عن مين».
وتابع: «الصحفيين وأعضاء النقابة لهم كل التقدير وكلهم على رأسي.. لكن فيه بعض الشباب طالعين كل واحد يطلع بتليفون ويروح يصور مع أي حد وينتحلوا صفة صحفيين.. أن كلامي موجه للي عاملين نفسهم صحفيين».
واستطرد: «لازم كل واحد معاه كارنيه صحفي ينكشف عليه.. لو الكارنيه سليم يبقى على رأسي بس يشتغل بما يرضي الله».
قال مؤدي المهرجانات حسن شاكوش، إنه تواصل مع المطرب تامر حسني ليحيي حفل زفافه الذي عُقد مؤخرا.
وأضاف: «كلمت تامر وقلتله ده فرحي أنا مش حد تاني.. وأنا عاوزك شغل فشوف هتعمل معايا إيه.. قالي 1000 مليون مبروك الدنيا غليت ووفر فلوسك.. جالي بفرقته من غير مقابل».
ونفى ما تردَّد عن أن تامر حسني تغاضى عن نصف قيمة أجره، موضحا أن تامر لم يتقاضَ أي أموال، وكذا الأمر بالنسبة للمطرب رامي صبري ونجوم آخرين.
نفى شاكوش، ما تردد بأن تكلفة حفل زفافه بلغت مليوني جنيه، قائلا: «أكتر والله.. أنا فرحت لما قالوا إن الفرح كلف 2 مليون جنيه.. فرحي الحمد لله كلف 4 ملايين و200 ألف (جنيه)».
وفيما عقّبت بسمة على هذه التكلفة قائلة: «مش خسارة في العروسة»، ردّ شاكوش: «طبعا مش خسارة فيها».
