كشفت الفنانة منة فضالي عن تفاصيل علاقتها بوالدها، وسر القطيعه بينهما
قالت إنها لم تشعر بحبه لها من قبل، بعد تركه لها منذ أن كان عمرها شهرين فقط.
وقالت منة فضالي خلال لقائها في برنامج Vip مع الإعلامية أميرة بدر عبر قناة «هي»: «عمري ما حسيت إنه بيحبني نهائي، مع إني حاولت أقرب منه بس هو مساعدنيش، كان بعيد طول الوقت، معرفش يمكن عشان متربتش معاه ومتعبش عليا».
وأضافت منة فضالي: «عملت حاجات كتير عشان أقرب منه، مهما بتعملي بيكون الموضوع صعب، الحب والمشاعر محدش بيعلمهم لحد،
واضافت من قريب كنت بعمل مسرحية في السعودية وهو عايش هناك وكلمته ييجي يقعد معايا، ولقيت نفسي بقوم كل شوية مش عايزه أقعد معاه مش لاقيه حاجة أقولها، والمسرحية كان المفروض هيحضرها وأنا أتلهيت ونسيت أقوله بسبب المسرحية دايما سولد أوت، وقتها قلت لنفسي معقول أنسى أعزم أبويا، أنا بحب أبويا لأنه أبويا وبحترمه لكن مش زي أمي».
قالت ، إنها كانت تحتاج وجود والدها بجوارها في خطبتها لأول مرة، متابعة: «كنت بتخطب لأول مرة، وحسيت إنه بيرميني، كانت حاجة وحشة جدًا».
وأضافت أنها رأت والدها لأول مرة وهي في عمر الـ21 سنة، مشيرة إلى أنه كان يعيش خارج مصر.
وأوضحت: «خطيبي وأهله راحوا يخطبوني من والدي، وكانت صدفة إنه موجود في مصر، قالهم خدوها أنا مش عايز منكم أي حاجة، إحنا عايزين نجوزها بسرعة، أمي اتضايقت جدًا، قالها ما هي بتحبه وهو بيحبها فخلينا نخلص بسرعة».
وتابعت: «أنا بيني وبين نفسي اتضايقت، مفيش أب هيعمل كده، أنا لو أب وبجوز بنتي مش هرميها كده، ده أنا هطلع عين العريس».
