كشف مؤدي المهرجانات حمو بيكا عن علاقته بالمطرب حسن شاكوش، قائلا: “أكون غلبان أحسن ما أكون شراني، مفيش حد يعرف يسوقني، وأنا لما بعمل حاجة بعملها من دماغي، وحسن شاكوش مغرور ومتكبر”.
وخلال لقائه اليوم ببرنامج “العرافة”، مع الإعلامية بسمة وهبة، تابع بيكا: “حسن شاكوش كداب، وأنا المدرسة اللي طلعته، حد صاحبي كلمني وأنا مكنتش أعرفه فصاحبي قالي ساعده واقف جمبه، قولتله حاضر وكلمته، هو مكنش عنده استوديو، وهو مظهرش غير معايا، والناس معرفتوش غير معايا”.
وأكمل بيكا: “مفيش حد أحسن مني، والناس كلها عارفة مين اللي طلع حسن شاكوش، وأول أغنية عملتهاله جابت 15 مليون، حسن لما اتشهر والغرور أخده مني بقى بيشتغل لوحده، وأنا اللي قفلتله بنت الجيران وأنا اللي فتحتها عشان حصلت مشاكل، وجاب ناس تتوسط”.
واستكمل: “حسن بيحب السهر ومش بيحب الشغل وأنا مش بسهر، وهو مش مركز في شغله ووقع، وهو مش محبوب ولا مشهور أكتر مني، وروحتله الفرح عشان هو صاحبي ولازم أجامله، وبيقوله كله جاله مجاملة من غير فلوس، أمال هو دفع كل ده في إيه”.
حمو بيكا: مصطفى كامل على دماغنا.. والمهرجانات اسمها أغاني
حلّ مطرب المهرجانات حمو بيكا ضيفا على الإعلامية بسمة وهبة في برنامج “العرافة” المذاع على قناة “المحور” .
وخلال الحلقة قال بيكا: “النقيب مصطفى كامل نقيب الموسيقيين على دماغنا من فوق وهو اللي جابلنا حقنا، والمهرجانات اسمها أغاني وليست مهرجانات ونقيب الموسيقيين لا يرغب في تسميتها مهرجانات”.
واختتم بيكا: “وافقنا على رغبة مصطفى كامل وأصبحنا نطلق على المهرجانات اسم أغاني ولا نشعر بالحزن مطلقا، والأغاني الخاصة بنا لا نطلق عليها أغاني شعبية”.
حمو بيكا: «أنا عمرو دياب الغلابة.. ودعيت على هاني شاكر لأنه ظلمني»
حل مؤدي المهرجانات حمو بيكا اليوم ضيفًا على برنامج “العرافة”، الذي تقدمه الإعلامية بسمة وهبة.
وخلال الحلقة تحدث “بيكا” عن الكثير من الأمور التي تخص حياته الشخصية والفنية، قائلا: “حسن شاكوش مغرور ومتكبر، وأنا المدرسة اللي طلعت حسن شاكوش، ومفيش حد أحسن مني”.
وتابع بيكا: “فرحي اتكلف 50 ألف جنيه بعد ما عملت جمعية، وأنا شايف حسن شاكوش في حتة غلط، وبيسيب عروسته وبيروح يسهر مع صحابه، وحظي منيل في صحابي، أنا اللي ساعدتهم ومحدش ساعدني”.
وواصل: “أنا عمرو دياب الغلابة، وعمر كمال وهو بيغني في الاستديو صوته ضعيف، وحسن شاكوش بيصرخ، وأنا أعرف أغني أي حاجة بس معرفش أغني لعبد الحليم حافظ”.
واختتم بيكا: “هاني شاكر قعدني في بيتي، ودعيت عليه عشان كنت مظلوم، وربنا جابلي حقي”.
