أكد الفنان خالد الصاوي، أنه ممثل محترف ويحب الكتابة ولكن يرى أنه ممثل أولا ثم كاتب لحين ما يثبت ذلك بأنشطة وروايات، قائلا: “أنا بحب الفرشة والرغي ولما أبقى ساكت يبقى بفكر في حاجة قلقاني أو حد في القعدة عايز أفهم اتجاهاته والتمثيل هو حياتي”.
وخلال حواره ببرنامج “أنا والقناع”، مع الإعلامية منى عبدالوهاب، على قناة “الحياة”، أكد الصاوي أنه كان يشعر في بداياته أنه يحب التمثيل ولكن التمثيل لا يحبه، مضيفا: “مع الوقت بقت اكتشف وأبص لنفسي بصة تانية والجمهور حبني كممثل وصرفت دم قلبي عشان أكتب مسرحيات وأخرجها”.
وتابع: “كنت بخطط لنفسي في العشرينات والثلاثينات ورجعت لورق كنت كتبه زمان وكنت محبط وقتها وببص في التاريخ القي نفسي في سن العشرينات ولم أتعرض لبلاوي وقتها وعقبات بجد وكان مشكلتي بسبب اني مش عارف أجيب فلوس من الفن اللي بحبه”.
تفاصيل إصابته بالانزلاق الغضروفي
قال الفنان خالد الصاوي، إنه حينما أصيب بالانزلاق الغضروفي في عام 2013 كان له بوادر قبلها بعامين وكان يتحمل الألم ويتعامل مع المرض بجنون، قائلا: “كنت بقعد أقول لنفسي أني معجزتش وكانت نظرية غريبة لو جالي وجع اتحداه ولما تعبني قوي عملت عملية”.
وخلال حواره ببرنامج “أنا والقناع”، المذاع على قناة “الحياة” تابع الصاوي: “أنا خضت عملية ناجحة وعدت لعمله وبعد 9 سنوات عاد التعب مجددا السنة اللي فاتت، ومن كتر ما أنا متضايق وقلت لو فتحت جراحة تاني فبقى الالم شديد وكنت بتحدى نفسي والوجع زاد لدرجة أني كان هيغمى عليا”.
واستكمل: “فكرة أني هخش تاني وأعمل عملية جراحية موصلتش للمرحلة دي وبقول لنفسي أنا ممثل لازم أشتغل على أيد ورجل وعين وأنا مزعج حتى للي بيعالجني ورحت عملت علاج طبيعي ومش قادر أستحمل”.
واختتم: “فكرة أن السوق كله يعرف أني في حالة مش كويسة ممكن كنت أقعد في اليت وبيجيلى الهاجس ده كده وممكن أقعد في البيت وعندي كوابيس متكررة وأهم كابوس دلوقتي أني أكون على خشبة المسرح ومش جاهز”.
