كشفت الفنانة نانسي صلاح عن سر صعوبة كواليس مشاركتها في فيلم مغامرات كوكو، الذي يعرض حاليا ضمن موسم أفلام عيد الفطر 2023
وقالت نانسي صلاح : “كل سنة وأنتوا طيبين، وعيد سعيد، وادخلوا شوفوا فيلم مغامرات كوكو، هيعجبكوا جدا، عاملينه للأطفال الحلوين حبايب قلوبنا، ويا رب يعجب الناس كلها”.
وأضافت: “طالعة في الفيلم دكتور بيطري مساعد لخالد الصاوي، والفيلم مفهوش أي حاجة صعبة فهو عمل كوميدي، لكن الصعوبة الوحيدة كانت تصويرنا بملابس صيفية في الشتاء”.
وأضافت نانسي صلاح: “مستعنتش بنماذج أطباء بيطريين حقيقيين، لأن عندي كلاب، وكنت بوديهم المستشفى وبكشف عليهم وأكلهم، واعلق لهم محاليل، فعارفة كل حاجة عن الحكاية دي”.
وعن المنافسة الصعبة مع أفلام العيد قالت: “مفيش عمل بيتظلم، لو ربنا كاتب لنا النجاح هنور وسط كل دول عادي، وكل الأفلام الموجودة ألف مليون مبروك لأصحابها”.
