كشف الفنان محمد رمضان عن اجره في الحفلات الغنائيه وفي الفنان عادل ا مام
وقال انه أغلى مغني في الوطن العربي، و أن المغني المصري الذي يليه في الأجر يأخذ 50 في المئة من أجره
وأضاف في لقاءه مع الإعلامي معتز الدمرداش في الجزء الثاني من حلقته في برنامج ضيفي مع معتز الدمرداش على قناة الشرق الإخبارية: «قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه».
وتابع: «أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري».
واستطرد: «فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما».
كشف محمد رمضان، عن رأيه في الزعيم عادل إمام، حيث أكد أنه صاحب فضل على كل الأجيال التي تلته.
وأضاف : «عادل إمام صاحب فضل على كل الأجيال اللي بعده، إحنا اتولدنا في مدرسة مجانية اسمها عادل إمام، نقدر نذاكرها ببساطة ونستفاد ونتعلم منها».
وتابع: «أستاذ عادل مكنش فيه قبله مدرسة، عادل إمام كان فيه مدارس أخرى، إحنا محظوظين لأن عندنا نفس المدارس اللي أستاذ عادل تتلمذ على يديها بجانب مدرسة عادل إمام».
وأوضح: «الـ 11 مدارسة مثل مدرسة فؤاد المهندس، مدرسة عبدالمنعم مدبولي، مدرسة عادل إمام، مدرسة أحمد زكي، مدرسة نور الشريف، مدرسة محمود عبدالعزيز، كل دي مدارس مجانية لأي حد موهوب يقدر يذاكر كل فنان بيختار ازاي، امتى بيغير، دول أساتذة كبار، وإحنا فخورين بيهم كمصريين».
