كشفت الفنانة جيهان قمري رايها فيؤ زميلاتيها سامين صبري ودينا الشربني كما كشفت كواليس تجرة الزواج الفاشله التي مرت بها وواصلت هجومها علي الوسط الفني كله
قالت جيهان قمري خلال لقائها مع برنامج «قعدة ستات» المذاع على شاشة «القاهرة اليوم» وتقدمه الإعلامية مروة صبري: «قلت إن ياسمين صبري بتتصور كتير لأن في حاجات معينة بتبقى أوفر، ووقت كانت بتسأل على أكتر من اسم وشفت من الناس دي كلها وأحسن حد فيهم دينا الشربيني».
وأضافت جيهان قمري: «ياسمين صبري قمر وشكل يجنن وموديل تحفة وأيقونة، ومشفتش دور شفته ليها قلت واو عليها، واللي يزعل يزعل ويتقمص، بس هي ممثلة مش جامدة».
كشفت الفنانة جيهان قمري سبب اختفائها وابتعادها عن التمثيل السنوات الماضية، وقلة عروض الأعمال عليها من قِبل المنتجين.
وقالت: «أنا بتعامل على إني برا الوسط الفني فعلا عشان أنا براه بقالي سنين، معملتش دراما من 4 سنين، واشتغلت مسرح مع الفنان محمد صبحي من سنتين».
وتابعت قمري: «مش عارفة ليه مبيتعرضش عليا أدوار أو المنتجين يكلموني، وبستغرب الناس اللي بتكلمني تقولي إيه ده أنتِ هنا؟؟، بقولهم ما أنا هنا عايشة في مصرهكون عايشة فين».
واستكملت قمري كاشفة سبب ابتعاد الوسط الفني عنها، قائلة: «عشان أنا مش مزيفة، ومبعرفش أقول لحد إنت حلو وحبيبي وأخده بالحضن، ومعرفش أقول لحد إنت عامل حاجة حلوة من ورا قلبي، شخصية صريحة وبديك في وشك زي ما بيقولوا، بقالي 20 سنة في الوسط الفني عمري ما زعّلت حد، بخلص شغلي وبمشي على طول جيهان قمري الممثلة انتهت في الاستديو».
وأشارت قمري إلى أن لديها جميع أرقام الفنانين ولكنها لم تتصل يومًا بأحد لطلب عمل، قائلة: «عمري ما اتصلت بحد وطلبت منه شغل، الفن دلوقت كله شللية وكل شلة بتشتغل مع بعض على طول، وفي ناس بتعمل أدوار صغيرة وبتظهر في كذا عمل، ولكن أنا معرفش أعمل ده لأني مش كده، ودايما طول عمري المخرج أو المؤلف اللي بيشوفوني في الدور بيبعتولي».
تحدثت الفنانة جيهان قمري عن تفاصيل زيجتها الوحيدة التي انتهت بالطلاق، وقررت بعدها عدم خوض تجربة الزواج مرة أخرى، موضحةً أنها تعرضت للضرب والإهانة وكان يعيش بمنزلها وتنفق عليه أموالها.
وقالت: «كانت تجربة وحشة وندمانة عليها، ندمانة إني قمت بالتجربة دي للأسف، التجربة عملتلي حالة بلوك لأي حد في حياتي للأسف، ومش عيب الواحد يتوجع بالعكس أنا من الشخصيات اللي أي حاجة توجعني أو بحس إنها تكسرني بتقويني أكتر بتخليني أعيد حساباتي تاني وأبص للحكاية من منطلق تاني خالص».
وأضافت جيهان: «أنا كنت متجوزة مدني في قبرص فأنا اللي عملت الورق كله وانا اللي سافرت ولغاية النهارده انا اللي معايا الورق كله معهوش ورقة واحدة تثبت إننا اتطلقنا، لما أخدت القرار أنا اللي سعيت لكل حاجة، على الورق اتجوزته 6 شهور وعلى الحقيقة 3 شهور، مطلعش راجل بمعنى الكلمة للأسف راجل بيمد إيده على ست وتقريبًا كان عنده نقص بيعوضه بحاجة تانية ده بالنسبة لي مش راجل، ومكنش ينفع أكمل عشان أخلي الحياة تستمر، مش مستاهلة وصلت لمرحلة إني مش مستاهلة عشان أكمل ويربطني بيه حاجة».
وتابعت جيهان قمري: «مبعرفش ومش هعرف أعيش معاكي وأنا مش حباكي، هبقى كدابة وملاوعة لو قولت مأثرش فيا وعلمني حاجات كتير وقواني كتير وخلاني أبقى فاهمة الدنيا رايحة فين وجاية منين ومش هحب عشان أعيش الحالة لا لازم أعرف هحب مين، وللأسف عشان علمني احب مين بطلت أحب».
وأردفت جيهان قمر: «مش أول حب في حياتي بس الحب اللي خدت فيه قرار جواز في حياتي، أخدت قرار الانفصال عشان موصلش لمرحلة لا أنا أتبهدل ولا نروح أقسام ولا أيا كان اللي هيحصل، الموضوع خلص خلاص بقاله 6 سنين، هو مكنش معاه فلوس اللي كان قايله غير اللي أنا اكتشفته، وحبيته سنة قبل الجواز وقربنا سوا 6 شهور».
