احتلت حلقه اليوم من برنامج رامز جاب من الاخر تقديم الفنان رامز جلال التريند ومحركات البحث بعد استضافه محمود كهربا لاعب الاهلي وعبد الله السعيد لاعب الزمالك
وقال رامز جلال، في مقدمة برنامجه «رامز جاب من الاَخر»:«هرب من النادي النافس لي عشان نادي الجزيرة، واللي شاف الكرتونه فيها 40 مليون جنية باع النادي اللي اشترى، وقال انا كل قرش يجيلي انا اولى بي، أنا جايبهم عشان يكونوا عبره لكل شباب الجيل، واللي عقوده متسربه ومشاكله متعرقبه، عبدالله السعيد ومحمود كهربا ».
قال رامز في افتتاحية البرنامج «بسم الله الرحمن الرحيم جموع الوطن العربي الحبيب، كملوا فطاركم أنا مش غريب، 14 سنة كفاح ومفيش رمضان كنت عندكم بغيب، بما إني مفكر وشرير وديب راجع لكم السنة دي بحدث هيخلي شعركم يشيب، معادنا مع الحلقة اللي نلغي عشاها أي مواعيد محمود كهربا وعبدالله السعيد».
وبدأت الحلقة باستضافة لاعب النادي الأهلي، على اعتبار أنه سيجري حوارًا مع «رامز» في برنامج جديد اسمه «عالم رامز»، ليعبر كهربا عن تفاؤله بأن البرنامج سيكون مختلفًا عن برامج المقالب السابقة.
وسأل جلال، ضيفه بالقول: «لو كابتن مجدي عبدالغني قدامك هتقول له إيه»، ليرد اللاعب: «حسبي الله ونعم الوكيل فيك.. ربنا يجيب لي حقي دنيا وآخرة».
وبسؤاله عن الصفقة الأكثر أهمية انتقال إمام عاشور إلى الأهلي أم انضمام عبدالله السعيد إلى الزمالك، أجاب: «الفرق بعيد فرق السما والأرض، طبعا إمام عاشور في الأهلي».
ورفض التعليق على صورة شيكابالا قائلًا: «معنديش حاجة أقولها لشيكابالا».
وفاجأ رامز ضيفه، قائلًا: «سقفة جامدة لعبدالله السعيد، اتبهدلت جامد أنت بعد ما سبت الأهلي.. لابس أحمر ليه يا عبدالله أنت بتتمسح في الأهلي ولا إيه».
وسأل «جلال» ضيفه عن النادي الذي يختار الانضمام إليه لو قدم له الأهلي نفس العرض الذي قدمه الزمالك، ليؤكد «السعيد» أنه سيختار الزمالك.
وتلفظ كلا من كهربا وعبد الله السعيد بألفاظ خارجة بسبب خوفهما الشديد من كلب مقلب رامز جاب من الآخر .
وعقب انتهاء المقلب قال كهربا:” محدش يهزر معايا”، وقام بإلقاء الجاكيت الخاص به في وجه الكاميرا وترك اللوكيشن ورحل .
في المرحلة الثالثة من المقلب اُسقط اللاعبان في المياه، ليطلب منهم «جلال»: «أهم حاجة في المياه الهدوء وتساعدوا بعض، بصوا يا رجالة إحنا في محنة ولازم نستخدم عقلنا عشان نخرج من المحنة دي».
وانفعل كهربا بصورة هستيرية وطلب من الفنان إخراجه من المياه فورًا، ليرد عليه الفنان: «ساعدوني يا جماعة أعالج الموقف».
وتابع «جلال»: «إحنا قررنا نسيكم كل اللي حصل، اختاروا يا إما تخرجوا من هنا ناسيين كل حاجة ونحضن بعض أصحاب يا إما متطلعوش من هنا»، ليطلب اللاعبان الخروج.
وثار كهربا، بمجرد انتهاء المقلب وطلب ألا يتحدث معه أحد من طاقم البرنامج، ليتوجه «جلال» بالسؤال إلى «السعيد»: «لو مكاني تنزل»، ويرد لاعب الزمالك: «خليك مكانك أحسن».
وقرر الفنان إنهاء الحلقة بصورة غير متوقعة وعدم النزول للسلام على ضيوفه، معتذرا من مشاهديه: «مش هقدر أنزل عشان زي ما أنتم شايفين كهربا تور هايج في الأستوديو».
