شارك المخرج مراد منير عبر حسابه بموقع التواصل الاجتماعي «فيسبوك» صورة بصحبة ابنته ليلى، ابنة الفنانة الراحله فايزة كمال.
ونشر مراد منير الصورة صحبة ابنته ليلى، معلقا: أنا وبنتي الجميلة في الهواء الطلق.
ليلى مراد تحيي ذكري وفاة والدتها
أحيت ليلى مراد ابنة الفنانة الراحلة فايزة كمال في مايو الماضي عبر حسابها بموقع التواصل الاجتماعي «فيسبوك»، الذكرى السنوية لوفاة والدتها قائلة: «بحلم بيكي حلم واحد بيتكرر من ساعة ما سبتيني.. من عشر سنين، بحلم إنك معايا، أني بصحى ألاقيكي موجودة بتضحكيلي ضحكتك الحلوة اللي تفتح النفس على الحياة، وبننزل نخرج خروجة ممتعة كعادتنا، وتفضلي تجيبيلي حاجات كتير زي عادتك عشان تشوفيني مبسوطة، بصحى قلبي واجعني، بتمنى لو أفضل في الحلم مصحاش، أفضل شايفاكي قدامي وأقدر أكلمك وأحضنك وأقولك اللي في بالي بصحي حاسة بالفقد والحسرة والوحدة».
وأضافت «بحاول منساكيش، بفضل أفكر نفسي بصوتك وكلامك وكل حاجة فيكي، بس السنين غصب عني بتاخدك وبتاخد تفاصيلك مني، وحشتيني يا صاحبة عمري الوحيدة اللي اتحرمت منها قبل الأوان، ذكري رحيل حبيبتي».
