اشتعل الخلاف بين النجم محمد رمضان ومؤدي المهرجانات والممثل كزبره بعد سخريه رمضان منه في سؤال عن سبب الخلاف
قال محمد رمضان خلال حضوره منتدى السينما والتغير المناخي، عن سر الخلاف بينه هو وكزبرة قائلا: «لا بقى بلاش السؤال ده، احنا في مكتبة مش في محل عطارة».
رد مطرب المهرجانات أحمد بحر الشير بـ«كزبرة»، على تصريحات رمضان و كتب كزبرة من خلال «ستوري» على «انستجرام»:«أول حاجة الحمد لله على نعمة ربنا عليا، وحبكم ورسائلكم الجميلة اللي بتوصلني، ورد الفعل الجميل منكم على فيلم الحريفة 2،كلام كتير نفسي اقوله واعبر بيه ليكم».
و أضافت: «والله يجماعة الكلام ده نفسي اقوله من بدري بس حاسس أن ده وقته، أنا مش عارف ليه كل لما انجح في ناس بتحاول تتطلع صورتي وحشة، أنا بجد نفسيا مبقتش قادر وبقالي فتره كبيرة كل لما اعمل حاجة حلوة، مبقتش عارف اتبسط بيها ونفسيا مش احسن حاجة».
و تابع: «ربنا اللي عالم الواحد كل اللي يهمه انه يقدم حاجة تعجبكم وتسعدكم، بس في ناس بتتعامل مع اللي بيقدم حاجة كوميدية على اساس انه شخص تافه مش موهوب، والواحد عشان بيتعامل بطبيعته ومش بيتصنع بتحاولوا تشوفوا ازاي تطلعوا في عيب قدام جمهوره واخواته إلى بيحبيوه، زي أن يتنسبلي كلام مقلتهوش أو يتقلل مني بحاجات قديمة عملتها».
و أستطرد :«احيانا الكلام عليا بيوصل للتريقة على اسمي بمجرد ما يعمل حاجة حلوة وتعجبهم ،أنا مش عارف ليه وده السبب إلى ببيخلي انسان طيب اول ما ينجح يتحول لانسان عنده نقص وعنده حرب مع كل إلى حوليه، زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع ،فأنا يجماعة مش عايز أوصل للمرحلة دي».
و أختتم: «أنا عايز أبقى إنسان طيب وفحالي واشتغل على نفسي واقدملكم فن يعجبكم ويبسطكم ،هو ده هدفي فبلاش تتعاملوا مع الواحد باسلوب هو مش حبه ،وشكرا لكل واحد بيدعمني من قلبه واي حد بيحب اللي بقدمه أو حتى بينتقده بأسلوب كويس انتم اللي تهموني».
وكان كزبرة سئل عن خلافه مع محمد رمضان وذلك على هامش تواجده في العرض الخاص لـ فيلمه الحريفة 2، وكان رد كزبرة بأغنيته «حبيب لو زعلان البحر هناك مليان».
