كحك العيد: تقليد يجمع العائلة بطعم الفرح.
كحك العيد هو أحد أهم رموز الاحتفال في المناسبات والأعياد، حيث يجتمع الأهل والأحباب لتحضيره في أجواء مليئة بالبهجة والمودة. يتميز هذا الحلوى التقليدية بقوامها الهش ورائحتها الزكية، مع حشوات متنوعة من العجوة والمكسرات والملبن، ما يجعل كل قطعة تحمل طعمًا خاصًا من الذكريات والفرح. يظل كحك العيد علامة مميزة تعبر عن التراث والأصالة، ويتوارث الناس طرق إعداده جيلاً بعد جيل، ليبقى رمزًا للحب والتواصل الاجتماعي.
كعك_العيد بكل تفاصيله 👌👌
المقادير:
كيلو دقيق ( دقيق جميع الاغراض )
نص كيلو سمن ومعلقتين يعني٥٥٠ جرام
بلدي أو نباتى حسب مقدرتك بس طبعا البلدي حاجه تانيه
نص معلقه صغيره خميره فوريه
١ معلقه كبيره ريحة الكحك ما يعادل
نص معلقه صغيره بيكنج بودر
٣ معالق كبيره سمسم
٥٠ جرام سكر بودره ما يعادل تقريبا ٣ معالق كبار
كوب ميه او حليب
طريقه التحضير:
اول حاجه في العجان يا سكر هنحط الدقيق عليه السكر وريحة الكحك والملح والبيكينج بودر وننزل بالسمنه من العلبه علي طول الجو ساقع هتكون ماسكه نفسها
حطى الكف وشغلي العجان علي سرعه وسط وافضلي اضربي في الاول يبقي عامل زي حبات الرمل 👇
افضلي اعجني لحد ما يلم ويبقي عجين
او في اي طبق كبير وبسي الدقيق مع السمن كويس جدا
المرحله دي اللي بتخلي الكحك ناعم
خلصنا عجن وب
دوبي الخميره في الميه وانزلي بيها ع الدقيق ويدوب نلف العجينه لحد ما الميه تختفي اوعي تعجنى كتير ياما هيطلع قرص ناشفه مش كحك
امسكى حته من العجينه كوريها واضغطى عليها ضغطه بسيطه لو شقتت من الجنب يبقي عايزه شويه عجن كمان
لو تمام يبقي توكلي علي الله وشكلي
طبعاً الفرن ساخن علي ١٦٠ أو ١٧٠
شكلي على طول بدون تخمير ورصى ف الصوانى وسبيه من ساعه لساعتين يخمر فيها متخافيش الجو برد وبعدين دخلى الفرن 🔥
بياخد من ٢٥ الي ٣٠ دقيقه حسب فرنك وطبعا من اول ٢٠ دقيقه تتابعي
يطلع من الفرن يتساب في الصوانى لحد ما يبرد
الكحك المحشي بيتسوي علي درجه حراره ٢٠٠ عشان مياخدش وقت في السوا والحشوه تخرج وتفرقع من الكحك
بألف هنأ 🌹🌹
