دبابيس الفراخ المقرمشة من الأطباق اللي بتحبها كل الأعمار، وبتجمع بين الطعم اللذيذ والقرمشة اللي بتفتح النفس. بتتميز بقوامها المقرمش من بره وطراوتها من جوه، وبتكون مثالية للعزايم، الأوقات العائلية، أو حتى كوجبة سريعة ومشبعة. ومع التتبيلة المظبوطة والتسوية الصح، بتتحول لدبابيس لا تقاوم.
دبابيس الفراخ المقرمشة: الوصفة الذهبية لقرمشة لا تُقاوَم!
المقادير:
كيلو دبابيس فراخ
2 كوب زبادي
ملعقة كبيرة ثوم مفروم
2 ملعقة كبيرة خل
ملعقة صغيرة عصير ليمون
2 كوب دقيق
2 ملعقة كبيرة نشا
ملح وفلفل أسود
بهارات فراخ
زعتر ناشف
بابريكا
ثوم بودر
بصل بودر
2 بيضة
كورن فليكس مطحون
زيت غزير للقلي
طريقه التحضير:
1. نخلط الزبادي مع الثوم والخل والليمون والبهارات، وننقع فيها دبابيس الفراخ لمدة ساعتين.
2. نخلط الدقيق مع النشا، الزعتر، البابريكا، الثوم البودر، البصل البودر، الملح والفلفل.
3. نطلع الدبابيس من التتبيلة، ونغمسها في خليط الدقيق، ثم في البيض، ثم في الكورن فليكس.
4. ندخلها التلاجة لمدة نصف ساعة.
5. نسخن زيت غزير على درجة حرارة 180 مئوية، ونقلي الدبابيس على نار متوسطة حتى تاخد لون ذهبي ومقرمش.
6. نطلعها على شبكة لتصفية الزيت، ونقدمها وهي محتفظة بالقرمشة والطعامة.
بالهنا والشفا ♥️♥️
