طريقة عمل الكفتة المشوية في الفرن بكل سهولة وطعم شهي

الكفتة المشوية في الفرن من الأكلات الشرقية الشهيرة، وتتميز بسهولة تحضيرها وطعمها اللذيذ، وهي خيار صحي وشهي يُقدم مع الأرز أو الخبز وسلطة الطحينة.

المقادير:

1 كيلو لحمة مفرومة ناعمة مع الدهن

2 حبة بصل مبشورة ناعم ومصفاة من الماء (مع الاحتفاظ بماء البصل)

1 ملعقة كبيرة سبع بهارات

1 ملعقة صغيرة ملح

1 ملعقة صغيرة فلفل أسود

1 ملعقة صغيرة زنجبيل مطحون

1 ملعقة صغيرة قرفة

نصف ملعقة صغيرة بيكنج صودا (أو 1 ملعقة صغيرة بيكنج باودر)

طريقه التحضير:

1. في وعاء عميق، اخلطي اللحمة مع البصل المبشور والتوابل كلها.

2. أضيفي البيكنج صودا وقلبي الخليط كويس جدًا لحد ما يمتزج تمامًا.

3. غطي الخليط وسيبيه يرتاح في التلاجة لمدة 30 دقيقة علشان النكهات تتداخل.

4. بللي إيدك بماء البصل اللي صفيناه، وابدئي في تشكيل الكفتة على شكل أصابع أو أقراص، وده هيديها ريحة وطعم حلو جدًا.

5. رصيها في صينية فرن مدهونة بقليل من الزيت.

6. سخني الفرن على 200 درجة، وادخلي الكفتة لمدة 25 – 30 دقيقة مع التقليب في منتصف الوقت علشان تتحمر من كل الجوانب.

7. قدميها سخنة

مع عيش بلدي وسلطة طحينة.

بالهنـا والشفـا،😋😋