قالت الممثلة نادين، إنها اعتزلت التمثيل بسبب وفاة النجمة الراحلة سعاد حسني، والتي كان وفاتها سببا في اتخاذها هذا القرار.
وأكدت نادين، خلال لقائها مع إذاعة نجوم اف ام: “سعاد حسني لما توفت أنا تقريبا في نفس الأسبوع اتخذت قرار الاعتزال.. سعاد حسني أنا بعشقها والست دي لو كانت بتتكلم إنجليزي كانت بقت نمبر وان في هوليوود”.
وأضافت نادين: “هي لما توفت جالي إحساس إن الست دي شبه حققت الخلود باللي قدمته ووفاتها بعيدة عننا في الظروف اللي حصلت.. والحزن اللي حزنته بسبب التضحية اللي عملتها الست ديه عشان تقدم اللى قدمته خلتني أسأل نفسي هو أنا هعمل حاجة زي اللي عملته استحالة.. يبقى أروح أشوف نفسي في حته تانية”.
كما تطرقت نادين إلى سبب عودتها للفن، مؤكدة أنها كانت عن طريق الصدفة، مضيفة: “منى زكي هي سبب التفكير في العودة للفن من خلال اتصال تليفوني”.
وتابعت نادين: “ذات يوم كنت مع أولادي في المدرسة، وتلقيت اتصالا هاتفيا من منى زكي بخصوص فيلم سينمائي.. وقلت لها إني اعتزلت منذ 17 سنة.. وقالت لي اللي زينا يستنى حاجة حلوة ترجعه، وقالت في فيلم المؤلف كتب الدور فيه وهو يفكر فيك”.
نادين هي ممثلة مصرية ولدت عام 1978 وقامت بأداء العديد من فوازير رمضان وفيلم صعيدي رايح جاي وفاجأت محبيها باعتزالها التمثيل ثم العودة إليه.
