كشفت الإعلامية بسمة وهبة، انها مريضه ومحتجزه في احدي المستشفيات وانها تستعد لاجراء جراحه
و قالت خلال مقطع فيديو وهي على فراش المرض، من داخل المستشفى،نشرته عبر حسابها الرسمي بموقع الصور والفيديو «إنستجرام»: «واحد عامل زي الخروف معزة، خروف داخل يتدبح، يارب يا كريم، يارب يا وفاء يرحمك».
وعلقت بسمة وهبة على الفيديو قائلة: «واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة اتكلم لما أقدر حكلمك راحت ردت عليه قالت لي آه مانتي مشغولة صحيح كل يوم في بلد وبتتفسحي فعاوزه أقولها هي واللي زيها، إن أي صورة على السوشيال ميديا حلوة، وراها أوقات وحشة وأي صورة فيها سعادة، وراها أوقات تعاسة وألم، صحيح ممكن أكون مسافرة بس بعمل عملية ممكن أكون مسافرة وفي عملية وفي البنج وحزينة».
وأضافت: «لأن صاحبتي ماتت قبلها بيومين حتي وأنا في البنج وتعبانة حزينة عليها وبدعيلها، وممكن أكون مسافرة اتعالج مش اتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو مايضايقكيش يعني، أحب أقولك أنت واللي زيك ربنا ما يحكم عليكي يا بنتي باللي في الواحد، وأحمدي ربنا إنك مش مضطرة تسافري عشان تلاقي حل لمرض نادر من فضلكم، ارحمونا وسيبونا في حالنا أنا صاحبتي وفاء ماتت من الحسد».
شاهد :
