عبرت الفنانة هدى المفتي عن بالغ سعادتها بالتوجه لشريحة الأطفال من الجمهور، من خلال دور “نعومي” في فيلم “ديدو”، الذي بدأ عرضه الشهر الماضي.
وقالت هدى المفتي في مقابلة مع برنامج ET بالعربي: “كان نفسي أعمل حاجة للأطفال، بالنسبالي الأطفال هما الجيل الجاي، وكنت عايزة أعرفهم أنا مين وبعمل إيه، ونفسي يحبوني. نعومي شخصية لذيذة وخفيفة، ومش معقدة ولا متعبة إني ألعبها، وطفلة ليها طريقة كلام وحركات بعينيها، وكنت مبسوطة جدا وأنا نعومي”.
وحول الصعوبات التي واجهتها أثناء تصوير الفيلم، قالت هدى المفتي: “كنت فاكرة إني متعاقدة على فيلم كوميدي طلع فيلم أكشن. إحنا اتبهدلنا في التصوير ومكناش بننام، وكنا بنصور ورا بعض، والتصوير كان صعب واتعلقت في أسلاك wires ومرة نمت وأنا متعلقة من التعب، والتصوير كان متعب جدا”.
وحول تجربة العمل مع الفنان كريم فهمي، بطل الفيلم ومؤلفه، قالت: “أول مرة أشتغل مع كريم فهمي، وإن شاء الله مش آخر مرة. انبسطت قوي كريم إنسان ذكي ومتفتح وبيخاف على الكرو اللي معاه ومهتم بالتفاصيل. حتى لما كان بيخلص تصوير كان بيقعد معانا للآخر”.
ويشأن غيابها عن الموسم الرمضاني الماضي، قالت: “غصب عني كانت ظروف صحية، وبالنسبالي الحمد لله أي حاجة تمام، لإني اشتغلت « بيمبو »، ومكانش ينفع أشتغل رمضان و « بيمبو » في نفس الوقت. حاجة من الحاجات اللي كان نفسي أعملها إني أشتغل مع المخرج عمرو سلامة. الشغل معاه أرض خصبة تقدر كممثل تطلع اللي جواك من فن من غير كسوف أو خوف من تلقي رد فعل محرج. الورق كويس ومختلف، ومتأكدة إنه حيعجب الجمهور جدا”.
وحول موعد عرض فيلم “كيرة والجن”، قالت: “مش مصدقة بقالي سنين بتسئل السؤال ده في المقابلات، بجد مش عارفة حنوصل لإيه. الفيلم إن شاء الله حينزل 2022، وهو من أكتر الأفلام اللي منتظرة إنها تنزل”.
