أرجعت الفنانة حنان شوقي ابتعادها عن المشهد الفني لفترة من الوقت إلى حدث روحاني مرت به وغير رؤيتها للحياة بالكامل، هو رؤية النبي في شهر رمضان.
وقالت حنان شوقي خلال استضافتها في برنامج “كلام الناس”، الذي تقدمه الإعلامية ياسمين عز عبر قناة MBC مصر: “أنا رميت الدنيا بما فيها، واشتريت نفسي وقلبي وروحي، بعد ما شيء أخذني لحقيقة ما خلقت له، ولقيت نفسي غريبة في الدنيا”.
نرشح لك – خاص مخرج فيلم “علم” يرد لـ”في الفن”: عن اتهامه بالترويج للمثلية وسبب تغيبه عن مهرجان القاهرة السينمائي
حنان شوقي
وأضافت: “دعيت ربنا كتير يا رب لو أنا غلطانة عرفني وأرشدني، ولو أنا صح أرشدني للشيء اللي أنا شبهه”.
وشرحت حنان شوقي كواليس ذلك الحدث قائلة: “في ليلة ختم القرآن في رمضان رأيت سيدنا النبي عليه أفضل الصلاة والسلام في اليقظة مش منام، وكانت بالنسبالي ليلة قدر غيرتني 360 درجة، كإني عمارة اتهدت واتبنت زي ما ربنا عايز نفسيا وروحانيا وأخلاقيا”.
تحدثت حنان شوقي خلال اللقاء عن قدسية الزواج بالنسبة لها قائلة: “أنا أقدس الزواج لإن فيه كل أسماء الله الحسنى، الود من اسم الودود، والرحمة من اسم الرحمن، والحنان من اسم الحنّان المنان، واسم الخالق لإن الزوجين بيخلقوا كيان على الأرض، واسم الواحد لإن الرجل وزوجته لا ينفصلوا”.
حنان شوقي
وأضافت: “أنا طبيعتي لازم أبوس إيد زوجي قبل ما ينام وأسأله إنت مش عايز حاجة مني، ولازم أكون صافية وأنا بتكلم معاه، مش كل واحد شايل سكينة للتاني ورا ظهره”.
وردا على سؤال عن وجود حب في حياتها قالت: “أنا كتلة حب متحركة على الأرض، لكن الحب الحقيقي، ولما يكون قلبي ساكن فيه المولى عز وجل وسيدنا النبي أقدر أحس إذا كانت كلمة بحبك صادقة أو كاذبة”.
وتابعت: “عايزة الحب الحقيقي، عشان لما أعجز وهو يبقى عجوز نفضل نحب بعض، زي ما بنشوف الرومانسية والاحتواء في الأفلام الأجنبية”
حنان شوقي
وانتقدت حنان شوقي خلال اللقاء الأشخاص الذي قاموا بتداول أحد مشاهدها من فيلم “الإرهابي” مع النجم الكبير عادل إمام، مع عمل تكبير لأجزاء من المشهد مصحوبة بتعليق “رجليها حلوة”، واصفة أصحاب هذا السلوك بالنفوس المريضة.
وقالت حنان شوقي: “الناس سابوا كل حاجة في الفيلم، وركزوا على مشهد الكوتشينة والشورت الأصفر، نفوس مريضة”.
وأضافت: “أول ما ظهرت السوشيال ميديا، دخلت لقيت ناس ناشرة المشهد وكاتبين رجلين حنان بقيت هتجنن، دي عالم بتتاجر والموضوع بالنسبة لها مش فن”.
وتابعت: “اللي كتب رجلين حنان شخص مريض نفسيا شهوته بتحركه وبتخليه يتفرج على ده”.
