كشف المطرب مدحت صالح، عن اسرارجديده في حياته الشخصيه وسبب رفضه المشاركه في برامج اكتشاف المواهب الفنيه
وقال :أنه من محبي الوحدة وأكثر شيء يحبه الوحدة والانفراد بنفسه،
وقال : “أكثر حاجة بحبها الوحدة وبيسعدني وجودي مع نفسي وأنا عايش في وسط أسرتي وعائلتي وبنتكلم معظم الوقت لكن أنا من المحبين للانفراد بالنفس في وقت من اليوم”.
وقال مدحت صالح، في حواره ببرنامج “حبر سري”، مع الاعلامية اسما ابراهيم، على قناة القاهرة والناس، إن وسائل التواصل الاجتماعي عالم افتراضي ويرى أن الترند كل يوم بشكل متغير،
واضاف : “الترند كل يوم في ترند والترند المهم هو اللي يكون في جوهر الحكاية ويستحق ونسقف له إنما أي حاجة كده لا وده كتير بقى كل شويه في ترند”.
وأوضح مدحت صالح، أن كل فنان ناجح لا يكون ناجح بمفرده ولابد أن يكون بجانبه فريق محترف، متابعا: “اللي حسه حلو واللي بيبقى ناجح مش بيكون لوحده لازم في فريق محترف حوله، ولو بحضر عمل جديد بحب أكون لوحدي لحد ما احط الاساسيات وبعدين اتعامل”.
أكد رفضه المشاركة في برامج التحكيم على المواهب الشابة،
وقال : «مش بحب أصدر أحكام على حد، ومقدرش أقول إني وصلت لمرحلة إني أقول على حد ده كويس وده وحش، مش بحب أبقى في الحتة دي، لكن فيه ناس غيري عندهم القدرة».
وأضاف مدحت صالح، أنه دائما يشعر برغبته في التقييم من أحد، متابعًا: «لو اتعرض عليا برامج التحكيم بفلوس كتير هبقى خايف من نفسي، وأنا عندي فلوس والمسألة كلها إنسانية، مش بحب أكسر بخاطر حد».
وأشار إلى أنه لا يرفض غناء تترات المسلسلات، حيث قدم في تتر مسلسل وبينا ميعاد شكلا مختلفا، متابعا: «في الغالب لا أرفض تترات مسلسلات والتترات قريبة لقلبي ومن القديم في أغاني أفلام وتترات كتير بحبها».
