ردت الفنانة هبة يوسف على المنشور الذي نشره الفنان تامر حسني، عبر حسابه الشخصي على موقع التواصل الاجتماعي إنستجرام، ردا على الفنان أحمد آدم وحديثه مؤخرا عنه في برنامجه.
ودافعت هبة يوسف عن تامر حسني قائلة: “آه والله العظيم واحدة زيي كان زماني تريند من زمان، بس بصوتي وبموهبتي اللي كل العالم يشهدلي بيها، بس عشان باغني باحترام، ده مش عاجب طبعا كل اللي بيقدم فن نظيف محترم، وبيخاف رينا وبيشتغل بموهبته مش عاجب، وبيتقال كده حرفيا أصلك محترمة، إلبسي عريان وهتبقي تريند، وهتتشهري ربنا ينتقم من كل اللي عمل كدا فيا، وفي الجيل اللي جاي، أنت إنسان محترم يا تامر، وهتفضل محترم بإذن الله، علشان كده هتفضل نجم الجيل.. أنت لسة أصيل ونقي”.
وكان الفنان تامر حسني وجه رسالة إلى الفنان أحمد آدم، بعد اتهام رواد مواقع التواصل الاجتماعي للأخير بالسخرية من الأول سعيا وراء “الترند”، وذلك بعد عرض أحدث حلقات برنامج “آدم شو” على قناة الحياة.
وكتب تامر عبر إنستجرام قائلا:”أستاذ أحمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم لمجرد أن الناس تعرفهم او تتكلم عليهم و لو ليوم واحد و نسيوا أنه لا يصح الا الصحيح عشان ده عدل ربنا، واي افاقين مع الوقت هتلاقيهم بيختفوا و المحترم الحقيقي هو اللي بيستمر أصل لما نهتم و نرد على كل كداب امال اللي بيحبونا نعمل معاهم ايه !!!!؟ تابعوا قلوب الناس و المواقع اللي هتاخد كلام الاستاذ أحمد السلبي و ينشروه، و علموا عليهم عشان تعرفوا حقيقتهم و الحقيقة أن فعلاً الكلام السلبي هو اللي انتشر ، شكراً استاذ احمد آدم لكلامك و إشادتك الحقيقية في حقي هي شهادة عظيمة من فنان محترم و كبير بفنه و أخلاقه”.
