كشفت الفنانة، علا غانم، اليوم الإثنين، الأسباب التي دفعتها للسفر بالخارج، والاستقرار في أمريكا لسنوات طويلة.
علا غانم: مشيت عشان كنت محتاجة أقعد جمب بناتي أكتر
وقالت علا غانم، خلال حوارها اليوم، في برنامج “صبايا الشمس”، مع الإعلامية ريهام سعيد،:”مشيت عشان كنت محتاجة أقعد جمب بناتي أكتر، ابتدوا يكبروا وحسيت خلاص أنهم على وش جواز، فقررت أخد إجازة مفتوحة من التمثيل وحياتي بالكامل وأروح بعيد خالص لمجتمع جديد عشان أبدأ صفحة جديدة”.
وأضافت “غانم”: “بناتي كانوا عايشين في أمريكا فكان لازم أروح أنا ودا كان وعد مني ليهم قبل ما نتحرك سنة 2017، كنت وعداهم أن السنة اللي جاية هي آخر سنة عشان بنتي هتتخرج في شهر خمسة”.
واستكملت غانم حديثها: “قولت هاخد إجازة مفتوحة، أمتى هرجع مش عارفة بس كنت مبسوطة من الخطوة دي، ومحدش كان عارف أني مسافرة ومش راجعة، وإلى حد كبير كنت زهقانة من الشغل، بقالي أكتر من 20 سنة بمثل وحسيت أني محتاجة أحط بنزين”.
