عبر مقدم البرامج أسامة منير عن استيائه محافظ القاهرة ورئيس حي مصر الجديدة، مطالبا بإقالتهما.
نشر أسامة منير فيديو لسيارته المرسيدس وهي ملطخة ببقع من الدهان، وعلق قائلا: “في طريقي وأنا جاي لمكتبي، تحت كوبري المرغني كانوا بيدهنوا السور وفوجئت إن العربية غرقت كلها بوية من اللي بيدهن فوق”.
وتابع أسامة منير: ايه المطلوب مني أروح اصلح عربيتي ولا أرفع قضية على رئيس حي مصر الجديدة وأطالبه بتصليح عربيتي والإقالة لأنهم ميستحقوش هذه المقاعد هما بيدمروا عربيات بملايين وفي استهتار بحياة الناس عشان يدهنوا الكوبري سايبين ناس متعرفش ومبتفهمش أي حاجة تدهن الكوبري ويخربوا بيوت الناس واحنا في أزمة اقتصادية طاحنة فلما تعملوا كده فى حاجة الناس الأحسن تقعدوا في بيوتكوا تلبسوا جلاليب مقلمة وتسيبوا المقاعد لناس تستحقها.
يذكر أن أسامة منير طرح في ديسمبر الماضي أحدث أغانيه بعنوان “كنت في غيبة”، من كلماته وألحانه.
