عبر الملحن محمد رحيم عن غضيه بسبب عدم دعوته في حفل ليالي مصريه سعوديه بالاوبرا التي نظمتها وزاره الثقافه مع هيئه الترفيه السعوديه
وكتب رحيم في بوست اول انه سيعتلز الموسيققي وسوف يهاجر في الخارج
وتبعه بمنشور اخر علي صفحته علي الفيسبوك سر قراره عندما كشف عن حالهالغضب بداخله
وكتب :سؤال ياجماعه هو ينفع حفله زي دي تعزموا كل ملحنين وصناع الموسيقى في مصر الا محمد رحيم طيب ازاي ؟؟ ده أشهر وأهم اغاني النجوم دي كلها من اعمالي يعني شيرين اللى طلعت غنت مشاعر والوتر الحساس وصبري قليل كل دي حاجات محمد رحيم مع احترامي لكل المبدعين اللى موجودين طبعا كلهم فوق راسي واخواتي وعمرو دياب اللى قاعد ده انا واخد معاه جائزه ال ميوزيك اوورد العالميه وطلع غنى غنوتي وهو بيستلم جائزته سنه 2001 (حبيي ولا على باله )
و وزيره الثقافه اللى شرفت الحفله حرفيا وهي سيده فوق الوصف في الاخلاق وبكن ليها كل حب واحترام هي اللى سهلتلي اجرءآت السفر لفرنسا من كام شهر علشان اروح استلم جائزه العضويه الكامله الماسيه اللى هى آخر حاجه ممكن يحصل عليها ملحن أو مؤلف على مستوى العالم وبالمناسبة
وانا هناك جبت معايا كل شهادات التقدير والاحتراف بتاعت زملائي الأصغر مني سنا كلهم اللى كانوا أول مره بيتكرموا وساعتها قلت ان مصر أكبر دوله حصلت على تكريمات السنادي من مؤسسه SACEM.FR باريس في مجال الموسيقى حتى الفنان محمد منير اللى حضوره نور الحفله انا اللى عامله يونس وياحمام وقلبي ميشبهنيش اللى هما بالمناسبه كلمات الشاعر العظيم عبد الرحمن الابنودي اللى مكانش بيشتغل غير معايا من جيل الملحنين الشباب إيمانا بموهبتي وحققنا نجاحات كبيره جدا الحمد لله سوا وبالمناسبه هو اللى كاتب عيون القلب اللى اللى لحنها الموسيقار الموجي يعني منير لو كان غنى يونس امبارح كان هيبقى الخال الابنودي اتغناله عملين في نفس الحفله عيون القلب لحن الموسيقار محمد الموجي ويونس لحن محمد رحيم طيب
ولو اتكلمنا عن الليالي المصريه السعوديه والتعاون مابين أكبر بلدين عربيتين في مجال الفن طب وهو فيه تعاون احلى من التعاون اللى حصل بيني وبين الشاعر السعودي الكبير سعود الشربتلي اللى كتب غنوه الوتر الحساس لشيرين وانا لحنتها وتعبت فيها وبذلت فيها مجهود كبير لحد ما نزلت والحمد لله حرفيا هي النهارده أغنيه عربيه عالميه(قولا واحدا) لأن كل جنسيات العالم بيغنوها بالعربي ومواقع التواصل موجوده وتشهد معرفش بس حبيت اسأل يعني هو لحد امتى المبدع المجتهد هنفضل نحط من قدره ونقتله معنويا بالشكل ده وهل ده مقصود ولا حدث سهوا وعلى فكره انا بتكلم عموما في المبدأ مش بس الجزء اللى يخصني معرفش ليه الموقف ده فكرني بغنوه بتاعتي غنتها نانسي عجرم اسمها
(في حاجات تتحس ومتتقالش ) بس لما تلاقيها مش
بتتحس بتضطر تقولها !!!!
هو الرجل الأكثر نفوذا هيقعدنا في بيتنا جوه بلدنا كمان ولا ايه
وعاد وكتب بوست ثالث قال فيه :أيها الرجل الأكثر نفوذا في الوطن العربي مش عايز تستضيفني في بلدك انت حر لكن مصر دي بلدي أنا وهتفضل بلدي
وتبين انه يقصد تركي ال شيخ رئيس هيئه الترفيه بالسعوديه
