الكنافة بالقشطة من أشهر الحلويات الشرقية التي تتميز بمذاقها الغني وقوامها المقرمش من الخارج والكريمي من الداخل. تُعدّ من الأطباق المفضلة في المناسبات والتجمعات العائلية، خاصة في شهر رمضان. تعتمد في تحضيرها على عجينة الكنافة المحشوة بالقشطة الطازجة، وتُحلى بالقطر (الشيرة) لإضافة لمسة من الحلاوة المتوازنة. بفضل تنوع طرق تحضيرها وإمكانية إضافة مكونات مختلفة، تظل الكنافة بالقشطة خيارًا مثالياً لعشاق الحلويات التقليديه
كنافه بالقشطه ♥️❤️🔥❤️🔥
المقادير:
نصف كيلو كنافه
معلقه كبيره سكر بودر
كوب سمنه
بحط الكنافة في الفريزر تتجمد وبعد كده
بفتت الكنافه وبحط عليها السكر وبقلبهم في بعض كويس وبعدين حطيت السمنه بس وقلبتهم كويس جدا
،،،،،،،،،،،،،،،
القشطه:
كوب ونصف لبن
معلقه كبيره سكر
فانيليا
٢ معلقه كبيره نشا
حطيت النشا والسكر والفانيليا ع اللبن ع البارد دوبتهم وبعدين حطيتهم ع النار مع التقليب المستمر لحد ما بقيت مهلبيه
،،،،،،،،،،،،،،،،
الشربات:
٢كوب سكر
كوب ماء
عصير نصف ليمونه
حطيت كل دول مع بعض مع التقليب حطيتهم ع النار واول ما غلي هديت عليه النار لمده ١٠ دقائق
طريقه التحضير:
هفرد تلات اربع الكنافه في الصينيه وهعليها من الجناب عشان القشطه وبعدين حطيت القشطه وسيبتها ١٠ دقائق بردت وبعدين حطيت بقيت الكنافه ودخلتها الفرن اهم حاجه إدهني الصينيه بمعلقتين كبار سمنه هتبتدي تفك من الجناب وتاخد لون كدا يبقا استوت ولعي عليه الشويه تاخد لون دهبي من فوق وقدميها وحطي عليها الشربات
لو عايزاها مقرمشه حطي الشربات بارد والكنافه تكون سخنه ولو عايزاها طريه حطي الشربات سخن ع الكنافه وهيا سخنه.
بألف هنا.
